我令男人只想到Sex!

by Miss Sex

Dear Miss Sex,

有關你果篇《骨子裏的性感》令我想起自己一段很不要面、很令人反感的感情………

兩年前左右,我愛上了一位男同事,是一見鐘情的,但當時我有男朋友,佢有女朋友,佢曾經問我一句:「你係咪想我同女朋友分手?」我竟然傻到話唔係,後來我同男朋友分了手,做咗第三者,同個男同事只有sex 的關係,不能拖手,不能公開,呢段關係維持了一年左右。

後來有另一位新的男同事知道了,勸我不要繼續,結果我同咗呢個我一啲都唔鐘意嘅人開始拍拖,離開了他。

而家我同嗰個新的男同事都分手了,第一位男同事有時會send個msg 話其實佢一直都好掛住同我sex的感覺,話好好,只有我先俾到佢嗰種感覺,但佢唔會同女朋友分手。

Miss Sex,我之所以講呢件事,我係覺得,正如你所講,我相信我是有「骨子裏的性感」。佢曾經講過,即使我著長衫長褲佢都會好想上我,我出到街會吸引男人望我,仲經常性喺MTR 俾人鹹豬手!其實我反而好嬲自己,我唔鐘意有呢種「骨子裏的性感」,我想俾正常男人愛我,而唔係個個都好似只係想同我上床……究竟我應該點做?可以教教我嗎?

Swallow

Dear Sassy Swallow,

親愛的,Miss Sex那篇《骨子裏的性感》,是寫給有固定愛情關係的女人看的,提醒她們上岸後,要打好內在底子,keep住男人的持久衝動。

但你的情況唔同,看表面證供,極其量,只是肉體上的性感。對方只要你的肉體,你又肯,連自己都覺得傻,係咪下一次要學精先?

至於出街有男人望,MTR有人非禮……講真,好多女人都有呢種經歷。Miss Sex素顏出街都有男人望(咁重口味?),又有男性友人話對我有性幻想(咁多謝?),不過我唔會嬲自己,怪啲男人淨係諗sex,反而會諗:「超,關我咩事?」

其實一個女人內在夠札實,知道自己的價值不止一副性感的軀體,她對男人的狗衝,就不會take it seriously。男人啲口味好泛濫的,有免費餐食乜都講得出,沒甚麼大不了。你那麼在乎,會否不相信自己除sex appeal外,有其他的appeal呢?你個心諗咩,就會吸啲咩人。

你要做的,當然係唔好理個衰人同啲無謂男人的注意,不過要成功做到,先要令自己除sex以外有值得人鍾意的地方,那就會吸到想愛你的正常男人,到時記得要珍惜。

這可需要若干日子修煉的,加油!

Xoxo,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE