不得不接受的男人性「惡習」

by Miss Sex

有時觀察男人就好似睇BBC的動物片,你只能抱着求知和了解的心態去面對(哦,原來咁咁咁呀),而不能太過take it personal。例如看着一隻巨蜥用毒牙咬隻水牛,跟佢幾日等佢慢慢死咁,你只會覺得巨蜥本性如此,而不會大驚小怪地說:「嘩,好變態呀。」

同理,有些男人的性愛習慣只是基於無傷大雅的本性,對呢個世界雖無特別貢獻,亦都無傷害。女人切勿過分神經質地說:「嘩,好變態呀。」「咁你即係唔鐘意我啦。」「我接受唔到囉。」Seriously,我覺得too much囉,做乜要同自己過唔去啫?

性幻想對象99.9%不是女友/老婆

講明是幻想,即是現實不能擁有的,包括荷里活明星、日本AV女優、街邊的長腿路人甲、人妻同事甚至你個friend都唔定。只要得個諗字,無互動,其實真的威脅唔到你。當然,男人最好keep it to yourself,擺到明講俾女伴知就無乜口德。至於餘下的0.1%,除了讓你好過點,亦適用於未得到手和身處異地的女伴。

觀看「變態」AV

群交、人獸交、SM、MILF、偷拍……男人暗地裏統統看過,一啲都唔出奇,多是抱着獵奇心態去睇,並非真心想實行。其實就算想,那些機會也未必屬於他們的。當然管有非法色情物品如兒童色情照片是例外,那就交由警方去處理。

寧願打飛機都唔做愛

曾經有個男人同Miss Sex講:「假如做愛是fine dining,打飛機即是食杯麵,可能無咁享受,但勝在夠方便,即時醫肚,唔使煩。」男人口中的煩,就是要做足前戲,擔心自己性能力和女伴享唔享受,有時快快脆脆自己搞掂就算,同佢愛唔愛個女人無關。是但一樣餐餐食都會膩,「咔啦」食就最balanced。

對女人不及初時熱情

男人在床上最賣力最熱情就是第一次跟個新女人上床。得到手後無咁熱情正常不過,講真,你上咗岸都唔會次次約會都著到行啦。與其話佢無咁愛你,不如話你的愛令他感到安心,令他唔使再扮嘢,雙方關係進化咗。閒時來個速戰速決又得,間中情趣點玩些新花款亦得,得咗。

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE