讀者分享:Dermagram清爽控油體驗!

by Connie

Connie

讀咗咁多年書,竟然立志做公關(唔係酒樓嗌飛仔嗰啲)。個個都話做PR無啖好食、忙到甩轆,但我天生就鍾意挑戰自己!自細鍾意扮靚,希望畢業後可以公關的名義試盡天下所有的護膚品!
這次收到CosmoGIRL!送出的產品是我最想試用的護膚品之一!我最喜歡的護膚次序是卸妝、潔面、爽膚水、精華及面霜!而我個人好怕油膩的保濕cream,因為油性皮膚一定會谷粒粒,所以我使用的產品都是質地清爽的!
 
夏日熱辣辣,好熱好熱!除了吃西瓜消暑解渴之外,好用又清爽的洗面乳可以令臉頰乾爽不黏立,減少出油爆瘡的機會!
控油潔面啫喱 $190/115ml
 
Dermagram的控油潔面啫喱特別適合油性肌膚,可溫和清潔皮膚之餘,又唔似肥皂咁乾 / cleansing milk咁油立立!它可以去除臉部油脂,所以洗臉後立即有清爽的感覺!用咗一星期後,連暗粒都少咗,塊面仲無咁易出油添!
 
此外,它十分容易起泡,而且每次唧一下就可以洗勻全面了,加上過水後感覺清爽,唔會乾爭爭,所以我覺得它的保濕度表現出色!講到爛都要講,洗面記得用冷水,因為可幫助收細毛孔啊!
 
毛孔細緻淨肌水 $190/120ml
 
而毛孔細緻凈肌水不但沒有酒精味,還有淡淡的香味,平時除咗倒落棉花上使用, 我仲會將佢放入雪櫃雪到凍冰冰再用,咁樣可以令皮膚降溫,減少出油的機會。
 
仲有,我會將佢當急救mask使用,因為佢嘅滲透度高,補水效果好快見效,所以我會喺上妝前快敷10分鐘,為皮膚快速補水,這可以令粉底更貼服,又能收細毛孔啊!使用後立即感到皮膚濕潤度大大提升,而且保濕度高!用咗一星期後,肌膚發炎次數、紅腫及粉刺數目亦有減少!
 
智能活水保濕乳液 $380/50g
 
油性肌膚的我用完智能活水保濕乳液後,皮膚變得好柔嫩又有彈性,讓皮膚好好補水就不怕出油啦!而且上妝後不會變得油頭粉面、卡粉或浮粉!原來它含有的低分子透明質酸容易讓皮膚吸收,可發揮強力保濕的功能,讓妝容在公司的冷氣房下仍然可以保持水潤彈滑,唔會變粉人。
 
質地方面,它除了很易推開、吸收得快,亦頗輕柔清爽,加上只需抹一點點就可以塗勻整個臉蛋,好襟用呢!重點係用完後摸上臉蛋,會感覺到皮膚是水嫩柔滑的呢!
總括來說,它的質感和功效都十分正,用了一星期痘痘就消失得七七八八,是我十分喜歡的護膚系列之一!
LOAD MORE