5大驚嚇過Halloween嘅儀容問題!

by 韋寶

無論你性格有幾好、個樣有幾靚都好,一不留神,分分鐘會俾一啲儀容問題搞到你驚嚇過哈囉喂!

1. 鼻毛外露
當大家出盡法寶令眼睫毛變得纖長,誓要打造娃娃眼嘅時候,有無留意你嘅鼻毛都係咁纖長,長到突咗出嚟?
要知道眼睫毛纖長就話好迷人啫,但鼻毛纖長呢,就好嚇人,要記得定期修修佢呀!
 
2. 有牙漬
無論你笑容有幾甜美都好,一俾人見到你有牙漬,真係倒扣10分。


3. 露出殘Bra
著露背衫但露出殘到發黃發黑嘅bra帶同bra扣,羅蘭姐都唔夠你驚嚇。
 
4. 溶妝
無論係眼線溶掉變熊貓,抑或油光滿臉兼甩粉,都會令男生大叫驚驚。唔想咁樣,可以参考:不溶妝秘技大公開,以及編輯分享:好用眼線產品推介


5. 唇膏甩色 / 搽漏嘴角
有無見過人啲唇膏甩咗一半,睇上去一撻撻,又或者搽唇膏搽唔勻 / 搽漏咗近嘴角嘅位置?唔好睇少呢啲小事,因為咁都可以令人好「心寒」架!
 

CG! Reminds U:

除咗儀容問題,仲有好多嘢要注意,詳情可參考:4個嚇親人的衣著打扮,以及男生最怕怕嘅女生打扮

 

LOAD MORE