男人眼中最難頂的野蠻行為!

by 韋寶


周不時到聽到男性朋友「呻」女友有啲行為好野蠻,唔想呢啲野蠻行為成為你同男友分手嘅導火線,就要細讀呢篇文章啦!
 
1. 分分秒秒「陪」住你
唔理男友喺公司 / 地鐵 / 巴士,當你要求傾視像電話就要佢即刻同你傾。更甚者,有女生要男友喺屋企打住機時都開住webcam,務求要男友分分秒秒都「陪住」自己。
 
2. 宣示主權
曾經聽過有女仔為咗要宣示「主權」,要男友掛住條鬆弛熊電話繩,男友唔肯佢就發嬲,最後嗰位男生被迫就範,俾朋友笑咗一排。
3. 男友出trip都要嬲
男友工作繁忙,經常要出trip佢都唔想,身為女友唔體諒之餘,仲要埋怨佢陪唔到自己。最恐怖係,男友做到三更半夜,都要迫佢晚晚都同自己傾電話,仲要唔係傾兩句嗰隻,結果男友攰到傾傾吓瞓着咗……
 
4. 威迫交出密碼
「如果你係無嘢嘅話,怕咩俾晒你啲密碼我?」/ 「你唔肯俾你啲密碼我,即係唔愛我啦。」即係咁,如果你威迫男友交出所有電郵 / Facebook / 微博嘅密碼,喺男生嘅角度,就代表你唔信佢 / 唔尊重佢。對男生嚟講,信任真係好重要,詳情可參考:「偷睇男友WHATSAPP的悲慘下場!」。
 

CG! Reminds U:

除咗上述嘅事項,其實仲有好多嘢要留意架!快啲睇睇短片:「你也是乞人憎嘅野蠻女友?」啦,片中有唱作才子王梓軒同有音樂工程師之稱嘅林奕匡,大談男生最反感嘅野蠻女友係點!

 

LOAD MORE