編輯推介:旅行必備的化妝品!

by Cynthia

 Cynthia (CosmoGIRL! Web Editor)

以前唔識執行李,次次去旅行都會帶大大個化妝袋同超多化妝品,但近年我開始識得要減輕行李重量,而化妝品自然係「重點項目」啦!雖然我唔可以做到去旅行唔化妝(因為化咗妝影相真係靚啲),但只要帶啱化妝品,就可以成功幫行李「減磅」。    

    

底妝:Chanel CC Cream + Sofina 粉餅

唔想帶晒成set防曬+base+遮瑕膏去旅行,我會用一支Chanel CC Cream搞掂,基本上用完之後面色好咗,大部分瑕疵同黑眼圈都遮到,如果唔要求超細緻嘅妝容,都唔使特別帶多一支遮瑕膏。大大盒碎粉拎去旅行實在唔方便,所以我會帶有埋SPF25 PA++防曬嘅Sofina粉餅,除咗可以定妝之外,補妝時仲可以當補埋防曬!

眼線:Koji & Maybelline eyeliner

之前已經介紹過Koji支又平又好用嘅眼線筆 (編輯推介:簡易好用眼線筆),想隻眼再sharp啲,可以加多條liquid eyeliner,我就鍾意Maybelline金色蓋呢支Hyper Sharp Liner,畫出嚟好幼細唔會太濃妝,而且防水防油可以keep到成日!去旅行我貪方便,唔會化mascara,因為落妝好麻煩,而且唔搽mascara影相都唔太覺,又可以帶少樣嘢!

胭脂:Shiseido MAQuillAGE True Cheek

Shiseido呢個胭脂設計好方便,連埋支掃喺入面,而且掃毛好柔軟好舒服,化出嚟效果好自然,用完成個人睇落都精神咗。(詳細介紹:轉一轉,打造自然好氣息!

唇膏:Vaseline潤唇膏

一向對唇膏無乜特別要求,而且去旅行成日周圍食嘢,實會甩晒又無時間補,所以我就會帶有色嘅潤唇膏跟身,貪佢可以潤唇(你知啦,外國天氣咁乾燥,個嘴實會好乾),又有少少自然嘅紅色。呢盒vaseline仲有玫瑰香味,好鍾意!

LOAD MORE