骨子裏的性感

by Miss Sex

有說男人是視覺動物,Miss Sex覺得只對了一半。

如果只係引男人諗住你打飛機,或者喺街度望多你幾眼,又或者clubbing時走上前搭訕,咁的確要利用各種視覺效果:紅唇又好,谷胸露bra帶又好,show黑絲襪長腿又好,戰鬥格必定能引起男人的獵食衝動。

不過呢,女人唔係動物,被男人打獵完食咗就走。We are human beings,都要經營戀愛關係搞定柴米油鹽,這時仲要做埋男人的sex goddess,keep住他對自己興奮,難度就極高。

簡言之,it’s not about what you do, but what you are. 你可以買勁貴的lingerie,在床上玩雜耍,但如果骨子裏無深厚底子令男人覺得你性感,就好容易變得突兀,惹來一句:「搞咩呀你?」就非常無癮。相反,做到骨子裏性感,就算著件爛鬼T-shirt都能引起男伴的原始欲望,令佢無啦啦想啜你一啖,抱你入懷。

健康食欲:男人好容易將女人的食欲同性欲聯想埋一齊,好地地食一餐又無啦啦嗌減肥,乜都走甜走油,自然令男人床上床下都無胃口。

擁有passion對自己的生活、工作和世界保持熱情和興奮,男人對你整個人也自然熱情興奮起來。邊個想同一個狂呻生活苦悶的女人做?

靠食腦:不是機關算盡嗰種聰明,而是同男人傾到他腦裏面諗嘅嘢,最強烈的高潮從來都來自大腦。靈魂的契合能引誘男人想在床上與你二合為一。

引起男人的妒忌心:有異性緣、在其他男人眼中desirable的女人,自然引起男人想再次私有化,故不要以為上咗岸就不顧身世。

自動更新:新鮮感不止於換一個新的情趣look,而是勇於成長、蛻變、move on到一個新的領域。一個自動更新的女人驅使男人不能原地踏步,再次enjoy the thrill of the chase。

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE