意式幸福甜品之味

by Cynthia

前排去灣仔做採訪時,店主請我食咗一件開心果撻,平時我唔特別鍾意開心果味嘅甜品,但呢個撻賣相好靚,而且食落仲好好味添(無呃你,到而家都仲有少少回味幼滑嘅開心果醬同個香脆嘅撻底呢個perfect match)!見到蛋糕盒同刀叉設計簡約得嚟亦好有心思,好奇問店主喺邊度買,先知原來星街新開咗間叫2/3 Dolci嘅甜品店。


"Pistacchio" ($46)–面層是意大利特產100%開心果醬,內藏焦糖忌廉,
底層是薄薄一層海綿蛋糕和加上朱古力醬的自家製撻底。

原來「2/3 Dolci」嘅意思係2/3甜,代表店裏面有2/3產品都係甜品,而甜度同尺吋亦係意大利嘅2/3,更適合香港人口味。
 

店裏售賣嘅蛋糕,全部都係人手製作,用料亦都好講究,包括法國進口朱古力、100% 意大利開心果醬、京都抹茶十勝紅豆、法國番石榴果蓉等,令甜品嘅味道更加突出。

除咗蛋糕,呢度仲可以搵到以100%天然成分製作嘅Gelato,因為係用意大利嘅傳統做法去整,含空氣量比雪糕少好多,所以唔駛好似雪糕要用上大量糖、高脂忌廉和人造香料去補償因為空氣量而減少嘅味道,健康天然得多!

鍾意咖啡嘅話,就可以試吓佢哋嘅意式咖啡,以正宗意式技術烘焙嘅咖啡,帶有隱隱榛子焦糖的香味,柔滑之餘仲帶點果酸同甜味,係香港唯一一間供應呢款咖啡嘅店舖。

2/3 Dolci

地址:灣仔星街2 號E
營業時間:星期二至星期日上午 11 時30 分至下午8 時30 分
電話:3426 9883

LOAD MORE