以為不會懷孕的5個謬誤!

By COSMO

 

懷孕, 性疑問

好多以為咁咁咁就應該無事,唔會懷孕,但其實諗錯晒,你以為無,其實可能已經有咗。以下指出好多以為「無懷孕」嘅謬誤!

謬誤1:男方只係摸吓或者將手指放入女方陰道內,就唔會有事。

如果男方手指上帶有精子嘅分泌物,放入女方嘅陰道內,同樣有機會令女方懷孕

<<4種常見避孕方法的優缺點!>>

懷孕, 性疑問

謬誤2:兩人喺浴缸共浴,男方喺水中射精,女方應該唔會懷孕吧!

雖然雙方性器官無接觸,但係精子都有可能隨住水流游到陰道口,再進入身體內,所以係有機會令女方懷孕架!

謬誤3:喺事後到醫生處要求打通經針,催促經期快啲嚟,咁就唔會懷孕

通經針係幫助經期唔準而又非懷孕嘅女性注射,呢種針藥係用嚟調經而唔係墮胎。非懷孕女性喺注射通經藥物後一段時間,經期就會嚟,但對懷孕女性係無作用嘅。

 

懷孕, 性疑問

謬誤4:經期遲來後一、兩日,驗孕棒測試顯示無懷疑,咁就唔需要睇醫生吧!

雖然而家嘅驗孕棒準確度好高,但係都有所謂嘅「空窗期」,即係有懷孕卻呈陰性反應,最好喺一個星期後再用驗孕棒驗一次。當然接受醫生檢驗就最準確啦。

謬誤5:喺經期期間發生性行為就唔會懷孕

一般嚟講,女性嘅月經週期為28日,月經期間無排卵,理論上係唔會構成懷孕。但有好多因素會影響排卵,卵子有可能提早或遲咗從卵巢中釋放出來,而且精子嘅壽命可以長達72小時,所以喺期經時做愛,都有機會懷孕

<<拆解!5種陰道分泌物告訴你的事>>

LOAD MORE