討厭別人會令自己偏激?!

By COSMO

討厭別人嘅原因好多,可能佢曾經欺負你、呃你、佔你便宜、自私、蠢、樣衰……總之對方得罪你或者純粹係「你睇佢唔順眼」,就可以討厭佢了。

雖然世上令人神憎鬼厭嘅人實在太多,但討厭別人唔單止會令你充滿負能量,而且仲好易令你變得偏激,因為你會連對方嘅優點都睇成缺點。減少討厭別人並非強迫自己妥協,而係幫自己走出偏激。舉個例子,你討厭同事A成日同你鬥買新嘅衫褲鞋袋,佢每次買咗新嘅Fashion items,你都會覺得佢係著俾你睇。其實A可能只係想自己靚啲、滿足購物欲,或者想炫耀一下,你又點可以一口咬定佢係想令你唔開心先買呢?

隨便討厭人,將別人嘅言行規限喺某一種想法其實好危險,可能會誤會咗人之餘,又會令自己唔開心,幾唔值得呢!

LOAD MORE