戀情變淡是必經階段?

By COSMO

戀情變淡是必經階段?

最近,你有無發覺自己有以下嘅諗法:

1. 好似無以前咁愛男友/女友。

2. 好耐無想日日搵男友/女友出街拍拖嘅衝動。

3. 拍拖係例行公事。

4. 唔明自己點解以前咁迷戀男友/女友。

5. 開始對男友/女友煩厭。

6. 想見班friend多過男友/女友,同朋友出街開心好多!

如果以上嘅諗法,你大部分都有,咁好有可能你對你現任嘅男友/女友無咗一開始拍拖嗰種好強烈嘅feel,亦都係時候正視一下你哋之間嘅問題。


拍拖兩年最易分手?

有無發現拍拖嘅時候,頭半年總係最甜蜜最痴纏,眼裏幾乎只有對方,即使日日見日日傾電話send message,都仲係覺得唔滿足,大家都彷彿中咗咒語一樣,喺呢段時間裏面,你哋嘅眼裏只有對方,愛情就變咗兩個人最大嘅動力。但喺半年之後,呢種感覺開始漸漸減弱,而再過多一年半左右,即係拍拖兩年之後,就係最容易產生分手念頭嘅時候!



迷戀來自化學作用!

原來喺我哋拍拖嘅首半年,腦裏面會產生多巴胺、苯基乙胺、正腎上腺素等化學荷爾蒙,喺多種荷爾蒙催生嘅化學作用之下,會令我哋墮入迷戀同激情嘅狀態,感覺真係有啲似「撞邪」,難怪喺拍拖初期總係唔明自己到底鍾意對方咩嘢,只係覺得呢個moment好愛佢,好想日日見佢痴住佢。喺大槪年幾至兩年之後,呢啲化學作用會完全消失,我哋會逐漸睇到伴侶嘅「真面目」,而且開始不滿、挑剔、嫌棄,彼此會誤以為已經對對方無feel,愛情消失咗,就只好分手,期望下一段新戀情。


愛情需要用心經營

其實,分手嘅事絕對要三思!因為當迷戀同激情嘅狀態消失之後,先係真愛嘅開始。我們要學習唔靠感覺嚟談戀愛,而係靠個人意志嚟維繫愛情,只要你心裏決意要好好愛對方,繼續同佢一齊,加多啲溝通、信任、耐性,積極創造兩人嘅親密關係,共同workout出你們將來的人生方向。想重新攞返個戀愛嘅感覺,不妨簡簡單單搵一個weekend打扮得靚靚去同佢撐枱腳,亦可以去一個短途旅行,放自己一個假,放呢段愛情一個假,話唔定你哋會pick up熱戀時嘅feel,因為真正嘅愛情係需要雙方努力經營的。真正嘅愛情係需要雙方努力經營。

LOAD MORE