畢業後入唔到大公司=無前途?

by Siu K.

唔少畢業生都想入大公司工作,因為覺得講出嚟個名會好聽啲,同埋對日後轉工會有幫助。即使呢個係事實,但如果最後入唔到大公司,都唔使太灰心,因為喺細公司工作,其實比你想像中得到更多架!以下係喺細公司工作嘅好處:

學到更多──細公司架構同規模細,人手較少,所以你有機會嘗試多方面嘅工作,儲多啲唔同嘅經驗,學到更多嘢!相反,大公司人力資源多,你可能只會負責一啲比較「濕碎」同簡單嘅工作,無太多機會俾你發揮所長。

人事關係相對簡單──公司少啲人,人事關係自然無咁複雜,可以將心力放於工作上。

將來工作更順利──喺細公司好多嘢都要「一腳踢」,當你身經百戰之後,將來去到大公司,你就會更識得處理唔同嘅工作,做起嘢上嚟更得心應手!

所以,入唔到大公司唔使氣餒,當你累積多啲經驗同人脈,對你前途都有幫助架!

LOAD MORE