愛上有女友的他,應該點?

By COSMO

 
佢同你有好多共通點,幾乎心靈相通,你哋相處亦好愉快,你甚至覺得佢係你嘅理想對象,可惜……佢有女朋友。呢個時候,你應該:
 
保持好朋友關係。如果你同佢講出你嘅感覺,佢可能會因為覺得唔自在而疏遠你。如果有一日佢同女朋友分手(當然大前提係你並非耍手段拆散佢哋),佢或者會覺得你係理想對象。不過,一日佢仲拍緊拖,你都唔應該有任何非份之想。
 
唔好抱住等佢分手嘅心態同佢做朋友,一嚟呢種心態並唔健康,二嚟只會浪費自己嘅時間同心思。
 
雖然你呢一刻覺得同佢好夾,但有時人會被感覺沖昏頭腦,因而將眼前嘅人「完美化」。但其實世上無完美嘅人,你總有一日會發現佢欠缺某啲理想男友嘅條件,而其他男生亦有唔少優點,所以千祈唔好過分神化呢個男生,亦唔好抹殺同其他男生做朋友嘅機會!
LOAD MORE