最啱夏天!8款花果味美容產品測試報告

by TEXT : 韋寶

每逢夏天,我都好鍾意用一啲花果味嘅產品,因為被花果香包圍嘅時候,感覺就好似置身喺花園,一邊歎住生果一邊享受日光浴咁,所以今次就搵嚟一啲充滿花香同果香嘅產品,為大家測試下邊款好用!

JILL STUART RELAX foot sugar scrub  $290 / 200g

主要成分:玫瑰蜜、橘子蜜、薰衣草蜜、砂糖磨砂粒(乳糖)、杏仁殼粒

香氣:★★★★☆ 
潔淨度:★★★☆☆(3星半)

總評:一直都好憎腳踭位嗰啲厚厚嘅死皮,所以一見到呢支專為腳踭位而設嘅磨砂,就急不及待拆嚟試!粒子雖然頗大,不過用喺腳踭位就絕對無問題,而且佢隻味係JILL STUART一貫嘅白花香味,我不嬲都好鍾意架!試用過兩次後,覺得死皮略為軟了一點,所以相信一直用落去就可以將死皮清走呀!

銷售點:銅鑼灣時代廣場地庫二樓B225A

Crabtree & Evelyn Somerset Meadow沐浴露 $ 225 / 200mL

主要成分:睡蓮、常春藤萃取物

香氣:★★★★☆(4星半) 
滋潤度:★★★★☆ 
 
總評:花果味甚濃,所以沖涼時好似被花朵同生果包圍住咁呀!重點係,沖完涼後成個人都香噴噴,聞落啲皮膚度會有陣花果香,啲皮膚摸上手仲好滑溜添!

銷售點:銅鑼灣希慎廣場216號舖

Philosophy the microdelivery維他命C/縮氨酸家用微晶煥膚組合 $640

主要成分:縮氨酸(peptides)、維他命C

香氣:★★★★☆(4星半) 
潔淨度:★★★★☆

總評:浸橙味fresh到聞到都想食橙,而且佢嘅用法好特別,先將磨砂推開打圈輕按,再將另一款產品塗上令其乳化,最後用清水洗淨。呢個product真係好有驚喜,因為用完後我覺得膚色淨白咗,摸上手滑咗,而且仲有啲粉刺浮咗出嚟呀!

銷售點:尖沙咀海港城 FACESSS(將於2013年7月中開幕)

VICHY滋潤豐盈手霜 $85/50ml

主要成分:乳木果油、甘油、VICHY 火山熔岩溫泉水(不含PARABEN 類防腐劑)

香氣:★★★★☆ 
吸收度:★★★★☆ 
滋潤度:★★★★☆

總評:很喜歡它的水蜜桃香氣,每次聞到呢陣香味,整個人都會覺得非常refreshing。而且它滋潤得來又不油膩,塗後感覺好像有層保護膜似的,所以我最喜歡用它來做hand massage!

銷售點:銅鑼灣廣場1期 G03號

evie保濕玫瑰柔膚水 $270 / 120ml

主要成分:萃取自有機保加利亞玫瑰花瓣(不含任何化學而成的防腐劑、人造色素、香料、有害化學物及酒精)

香氣:★★★★☆(4星半) 
吸收度:★★★★☆ 
補濕度:★★★☆☆(3星半) 
 
總評:好鍾意佢陣天然嘅玫瑰味,因為呢支柔膚水係用蒸餾法萃取自有機保加利亞玫瑰嘅花瓣而嚟。我最鍾意就係朝早起身後,先噴一噴呢隻柔膚水先化妝,一來聞完呢隻味好醒神,二來佢吸收得快又補濕,大愛呀!

銷售點:中環置地廣塲HARVEY NICHOLS      

 Jurlique玫瑰保濕抗氧面膜 $395 /100ml

主要成分:玫瑰果籽油、夏威夷果仁油及乳木果油

香氣:★★★☆☆(3星半) 
吸收度:★★★★☆ 
補濕度:★★★★☆

總評:呢隻面膜可作睡眠面膜使用,亦可敷於面上約10分鐘作深層保濕面膜,而我試用時就當sleeping mask咁用。雖然佢嘅質地係cream狀,不過都唔會好黏立,尤其呢排開冷氣瞓,用咗佢先瞓第二朝皮膚就唔會覺得乾!

銷售點:銅鑼灣時代廣場B229A

 Melvita有機高山玫瑰水凝啫喱 $380/40ml

主要成分:法國高山的有機野玫瑰花瓣精華、伊朗玫瑰之谷的有機大馬士革玫瑰花水、玫瑰籽乳(不含石蠟、甲醛、人造香精或人造色素)

香氣:★★★★☆ 
吸收度:★★★★☆ 
補濕度:★★★☆☆(3星半)

總評:質感好水軟,推幾下就吸收了。由於塗後感覺清爽,所以都幾啱夏天用,而且佢嘅花味甚濃,啱晒我呢啲鍾意花香味嘅人。

銷售點:銅鑼灣希慎廣場2層214舖

 Boots Ingredients茉莉香米沐浴露 $34

主要成分:提煉自茉莉花及泰國茉莉香米的天然成分

香氣:★★★☆☆ 
補濕度:★★★☆☆

總評:呢隻沐浴露一唧出嚟嗰時,陣香味有啲似斑蘭葉,不過捽開咗,味道就好似汽水嗰隻沙士,感覺好得意,而且用完佢沖涼後感覺清爽。

銷售點:指定萬寧內的Boots專櫃(銅鑼灣百德新街2-20號恆隆中心1樓F01號舖)

Related Articles:
玫瑰迷必睇:10款玫瑰skincare好用度測試!
夏日必睇!8大止汗產品大比拼!
30秒至15分鐘的潔面方法!
四季都啱用!唇部護理大全

LOAD MORE