男友成日讚其他女仔,點算?

by Karen C.


聽過唔少女仔朋友話男友會喺自己面前讚其他女仔,令佢哋唔係幾高興,而男友讚嘅都不外乎係對方靚、瘦、sweet等等,不過就算係咁,你都唔使大發雷霆,否則會顯得你好小器!

*男友讚其他女仔,好多時都只係出於欣賞角度,就係咁多,無其他意思啊!而且讚其他女仔,都唔代表佢覺得你唔好呢!

*可能你潛意識覺得自己唔夠人好,驚男友嫌棄自己,自信心不足,先會咁介意,所以應該先要學會欣賞自己,唔好將自己同其他人比較。要記住,男友鍾意你,係因為你有你嘅吸引之處,要對自己有信心,先可以將你嘅吸引之處表現出來啊!

如果你真係頂唔順男友狂讚其他女仔,可以試下:

*語氣輕鬆,笑笑口咁話:「得啦,人哋最好,我最差啦!」等佢知道其實你都係會介意,同時俾機會佢會氹下你。

*喺佢面前刻意讚下其他男仔,令男友可以明白你嘅感受,但之後不妨補返句:「雖然佢好正,不過都唔關我事。」咁樣佢會覺得好sweet,就唔會嬲返你轉頭啦!

LOAD MORE