男友好耐都唔射精,搞到自己好痛……

By COSMO

其實唔少女性都希望性伴侶唔好太快射精,因為一般嚟講,女性需要較多warm up先可以達到高潮;但相反,如果時間太長,對方陰莖喺陰道內過分磨擦,會令女性感到痛楚,甚至整損陰道。

某些藥物,例如抗抑鬱藥、酒精、毒品,甚至壓力都有可能破壞男性嘅高潮,你要先了解男友有無以上問題。如果問題唔係來自以上因素,你哋可以試試改變做愛姿勢、環境及氣氛。你亦可嘗試加長前戲時間,刺激佢嘅敏感帶,等佢覺得熱血沸騰時先俾佢進入。

喺佢進入前,可塗用大量潤滑劑,既可以減少陰道受損嘅機會,又可以增加性愛嘅刺激。喺佢進入後,你可繼續刺激佢嘅敏感帶,以加快佢嘅高潮。叫佢減少連續用力插入或推進嘅動作,因為呢啲動作會減低陰莖嘅敏感度。

如果你覺得仍舊太耐都未完事,等佢嘅陰莖離開你嘅身體,然後喺陰莖塗上潤滑劑,等佢喺你大腿間前後磨擦,或者用手或口幫佢達到高潮。

問題仍然無改善的話,佢可以去見泌尿科醫生,檢查佢嘅生理狀況。如果問題成因出於心理上,可以約見性治療師。

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE