男友入咗無感覺

by Miss Sex

上次回應讀者初次性交痛到癲咗的問題,另一邊廂,也有姊妺告訴Miss Sex她們第一次做,唔覺痛之餘,亦feel唔到有快感。

由於Miss Sex無法掌握每對couple的真實情況,只能談談當中幾個可能性。第一,個個女人構造唔同,有些女人破處feel唔到痛都唔出奇,可能她們在進入時夠放鬆,或者處女膜因其他原因已經破裂而不自知。

第二個可能就是男友根本未入晒,响門口淺插幾下,獲得了高潮就當完成任務。不妨查探清楚男友是否真的整根陰莖已經進入。

至於男友是否太細或唔夠硬,也有這個可能,不過Miss Sex無法猜透姊妺口中的「無太大感覺」即係點。要知道,令自己有快感,唔一定要大,一隻手指足以將自己送到九霄雲外。Size普普通通,如果掌握抽插角度,也一樣夠使。

對於性經驗尚淺的姊妺,在破處之後未有太大愉悅感覺並不代表有問題。須知道,女人懂得全然享受性,除了有些人真的得天獨厚外,大部分女人都要不停累積實戰經驗,不停發掘身體邊個掣令自己撻着,培養身體自信和學習與伴侶深層溝通。最重要是,你對性不忌諱,抱着開放的心邊做邊學。

也就是為甚麼Miss Sex講到氣咳都要叫姊妺多嘗試各種自慰方法,要先明白自己想點,才能夠知道男人要點愛你先得到滿足,最後才可以令男人開心。

有時性就好似濕疹,無一個人(包括Miss Sex在內)能給你靈丹妙藥,你得左試右試各種方法,才搵到癥結所在和哪些對自己work。

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

START_TIME && date('Y-m-d H:i:s')
LOAD MORE