拍拖,有feel就夠?

By COSMO

喺愛情嘅國度裏面,相信大部分人都會覺得要「有feel」先得。咁開展一段感情關係,係要超級有feel?定係20% feel加80%個人擇偶條件先叫實際?

Feel,就梗係要啦。除咗盲婚啞嫁年代,無感覺實在免談。但係感覺呢樣嘢好空泛,唔同人都有不同嘅睇法,有人相信一見鍾情,有人日久生情,但都係要憑一份感覺去發展出愛情。

有Feel就開始?

好多人喺對對方有少少feel嘅的時候都會猶豫應唔應該發展落去,結果感覺慢慢消逝了,最後意興闌珊,無疾而終。

呢種情況,好多時係因為大家抱住「睇定啲」嘅心態去計算對方符合/不符合你嘅擇偶條件。與其咁間接去觀察、分析對方,不如先將注意力放回自己身上,假如你有心要談一場戀愛,又是單身的話,不如問下自己:

有咩原因令你猶疑進一步認識一個你覺得有感覺的人?
點解你擔心拍不成拖便做不成朋友?
你係認真,定係太睇重結果?
單憑觀察去猜測對方係一個點樣嘅男朋友/老公,足以證明佢適合/不適合嗎?
你真係有感覺,定係只係對對方擁有嘅條件有感覺?

有Feel大晒?

我們有時會因為有feel而多咗注意一個人嘅優點,亦會因為一個人嘅優點或某啲優越條件而對對方產生興趣。

不過,如果只係純綷因為一啲外在條件(例如佢有車有樓、靚仔、學歷高、人工好……)而誤會呢個係愛情感覺就有啲危險啦。我們好容易因為遇到呢類嘅「筍盤」,不想「執輸」而說服自己去鍾意對方。可惜條件好唔係愛情嘅全部。

想搞清楚自己嘅心思好簡單,與其自己胡思亂想,不如正正式式同對方約會幾次,經過精神上嘅交流同面對面嘅相處,我哋就好容易知道佢係唔係自己想要嘅人。

Give it a try!

CG!唔鼓勵人單憑有feel就亂衝亂撞、唔理後果,但亦都唔鼓勵人因為諗得太多而抹殺機會,將愛情路上嘅多元路線封死晒。重點係我哋點樣利用呢份感覺,加上適當的相處,來幫助我哋搵到合適嘅人。既然有感覺,約會一下又何妨?如果因為猶豫而令機會白白流走,又何苦呢?

LOAD MORE