想他更愛你?妙用5種身體接觸!

By COSMO

愛情

撫摸之所以能觸動人心,唔單止因為身體接觸能表達愛意、快樂同尊重,當你撫摸男友時,仲會啟動佢腦內負責情感嘅部分,令佢對你產生更親密嘅感覺!點樣先至最有效?記住以下呢5招啦!

第1招:用拇指和食指輕揉耳珠

幾時出招:當他承受巨大壓力時

耳朵上有好多穴位,即係非常敏感嘅神經末端。當他感到壓力時,若耳珠受到溫柔嘅刺激,就可以減壓!平時可以先試試用邊種力度令佢最舒服,一般嚟講,緩慢而輕柔嘅力度就最能令人放鬆!

如果想更加有效,甜言蜜語當然唔少得,例如同時喺佢耳邊溫柔地講:「我好開心有你陪住我。」講嘅時候你嘅呼吸會吹進佢耳內嘅微細管道,就好似深入地按摩耳內,令親密感覺更加強烈!

 

愛情

第2 招:掌心向上

幾時出招:當他向你表達感受/ 跟你分享一些事時

呢個動作係半個動作,另一半係想佢將自己隻手放上去握住你隻手。而呢半個動作可以令對方覺得你認真地聽緊佢講嘢。而當佢睇到你隻手嘅動作就會好自然地完成,咁代表佢潛意識上覺得同你連繫住。

手拖手亦係心連心嘅表現,人類係除咗猩猩之外,識得用雙手表達感情嘅動物。而拖手就係最原始、最簡單地表達你嘅關心。攤開隻手掌心向上,亦表示你對佢講嘅內容,保持開放接收嘅態度。咁樣可以令佢好放心地跟你分享,無形中增加彼此嘅信任同感情

愛情

第3招:輕撫他的頭髮

幾時出招:讓對方知道你愛他

喺動物世界,呢個動作就好似幫對方整理毛髮,除咗向配偶表示愛意,亦係照顧幼兒嘅常見動作。而人類亦保留咗呢種原始本能,當你輕撫佢嘅頭髮,對方就好自然將動作解讀為「我愛你」三個字。

大庭廣眾之下,當然唔方便,幫佢整理領呔、掃平恤衫上嘅皺紋,都有同樣作用。男生好少會討論愛 / 感情,而身體語言就係用無聲語言去表達愛意,令佢明白你對佢嘅愛。

愛情

第4招:按摩斜方肌(背脊、肩膊下肌肉)

幾時出招:突然發嬲扯火

當人好嬲嘅時候,會腎上腺素上升、肌肉繃緊,戰鬥格即刻出晒嚟,而輕輕按摩拉緊嘅斜方肌比掃背更能有效紓緩緊張情緒,同時傳遞放鬆嘅訊息去腦部,令佢感受到背後有你嘅支持。

不過,如果令佢發嬲嘅原因係你,就要喺佢嘅背後發功(加埋氹人嗲功更佳),盡量避免面對面,因為咁喺動物本能上帶有入侵個人領土嘅意味。

<<閱讀更多>>12星座的愛情死穴!

 

愛情

第5招:手放胸肌 

幾時出招:燃起激情

大部分男人都鍾意保護人,而將手放喺佢嘅胸口上(不論有無胸肌都好),會令佢自覺好man,而你係需要佢保護。當你輕撫佢胸膛,會令佢腦內釋出引起興奮嘅多巴胺,令佢對你有激情感覺。喺戀愛初期,我哋會經常不自覺做出呢個動作,拍拖一段時間就……所以當你小鳥依人般依靠他的胸懷時,就會頓時重燃當初熱戀時嘅感覺!

醒多招:誘惑眼神

唔係教你單眼咬唇,而係幫你得到你想要嘅關注(無論對象是potential男友還是現任男友)!

1. 定睛,鎖定眼神望住佢可以令佢瞳孔放大心跳加速。

2. 對望8 – 10秒,引起對方留意,對望越多,對方越對你感興趣。

3. 唔望佢,望第二度。用眼神玩捉迷藏,即係佢定睛望你時,你又唔望佢,引起佢嘅動物本能想要你!

 

LOAD MORE