面膜DOs & Don'ts

By COSMO


到底使用面膜嘅時候有咩要注意?等CG!話你知啦!

1. Don't - 沖熱水涼時敷

熱蒸氣會令毛孔擴張,流汗會同時排走體內嘅水分同毛孔內嘅污垢,所以唔應該敷面膜,因為護膚成分會塞住毛孔!反而沖完涼,皮膚嘅角質變軟,血液循環又快咗,呢個時候先係敷mask嘅最佳時機! 

2. Don't - 用爽膚水浸面膜紙當Mask

Mask之所以比爽膚水貴,就係矜貴在mask入面嘅成分,有人覺得用toner敷完面後感覺充滿水分,其實只係假象嚟,咁對改善膚質係無幫助架!因為咁樣只係短暫增加皮膚嘅含水量,但效果一閃即逝。當然,如果你要嚟作為通頂後嘅急救、日曬後脫水甩皮同搭長途機時補一補,呢個方法都有啲用嘅。 
 
3. Don't - Sleeping Mask 當Night Cream

要靚係唔可以懶!Sleeping mask有好多款,功效各異,有啲係搽完精華素、晚霜之後用,目的係加強之前啲護膚品嘅滲透力,單獨用效果反而唔顯著,所以唔適合日日用。另外,有啲sleeping mask嘅功效同night cream差唔多,多數質地係啫喱狀,同時標榜保濕、持續補水等,但就無其他護膚功效,所以買/ 用之前要研究清楚呀! 

4. Don't - 日日敷平價Mask,等如有貴Mask嘅效果?

Mask係唔適宜日日敷,唔係平貨同貴貨嘅成分問題,而係日日敷係唔會令皮膚喺短時間內有迅速改善嘅效果。若然平價mask嘅成分有問題,更加會增加皮膚嘅負擔,只會得不償失!特別係美白同煥膚mask,因為要令皮膚角質脫落先有效果,敷得太密反而會過度刺激皮膚,容易引起皮膚敏感! 

5. Do - 唔好幾種Mask輪流用

有啲人鍾意買齊唔同功效嘅片裝面膜,今日補水、明天美白、後日去皺,總之可以7天不同。不過皮膚係咪可以吸收到咁多護膚活性成分?其實太多嘅話,根本就唔可以發揮到正常嘅功效!而且轉得太頻密,就唔會有持續嘅效果,咁即係無咩用囉!

LOAD MORE