聰明「呷醋」守則!

By COSMO

對男生嚟講,女朋友適量嘅呷醋係緊張自己嘅表現。呷醋,除咗可以令男友知道你嘅感受,仲可以話佢知你緊張佢。不過究竟點樣先至係恰當?不妨參考以下例子!

例子1:男友公司多咗個索女同事,仲要日日加班,朝夕相對。

內心呷醋度:★★
外在呷醋表現:★★★★

見到男友偶然同靚女傾偈,其實唔使緊張,因為佢哋可能一世都唔會再見。但係索女同事又另當別論,睇戲都見得多,日見夜見真係好容易會擦出愛火花。仲有,男生天生對異性嘅埋身敏感度低,分分鐘成為索女的獵物都懵然不知。所以喺呢個情況下,即使你心裏面唔係好呷醋,但都要表現俾男友知你覺得佢同女同事行得太埋會令你唔開心,叫佢要識避忌。

例子2:男友同ex飲嘢聚舊

內心呷醋度:★★★★★
實際呷醋表現:★★

知道男友同舊女友見面,就算唔擔心佢哋會舊情復熾,心裏面覺得唔舒服都好正常。不過同男友表達感受之前,先認真問自己有無不安?如果無,可以大方同男友講,同舊朋友聚舊無問題,不過大家飲杯咖啡總比晚飯飲嘢直落會令你放心得多。

例子3:男友同即將結婚的死黨去睇脫衣舞。

內心呷醋度:★
外在呷醋表現:★★★

你可能覺得男友去夜總會無咩問題,不過如果心入面有少少唔舒服都應該出聲,俾男友知道你嘅感受,但講時唔好咁惡死或勁說教,而是用婉轉少少、撒吓嬌的方法去表達,俾佢知道唔係信任與否的問題,而係作為女生的感受問題。(男生要臉,响兄弟面前不可以失威,但如果佢願意為你咁做,你記得獎勵返佢!)

例子4:經常神神秘秘唔知同邊個WhatsApp / line / WeChat……

內心呷醋度:★★
外在呷醋表現:★★★★★

就算係幾親密嘅情侶,都要有各自嘅空間同私隱。不過男友成日鬼鬼祟祟同某人傳短訊,呢種表現就有足夠理由出聲問。直接同佢講:「我覺得你收收埋埋唔知同邊個WhatsApp,好似有嘢瞞住我。呢種感覺令我好唔舒服,可唔可以話俾我知你傾緊啲乜?」

如果佢係光明正大,就會俾你睇,以示清白,否則,他可能同另一個女生…

LOAD MORE