編輯分享:納米保濕機試用報告

by Cynthia

Cynthia (CosmoGIRL! Web Editor)

其實保濕機呢樣嘢都興起咗一排,但以前用過一部手提保濕機,不過噴出嚟嘅霧氣斷斷續續,感覺麻麻。前排工作時見到化妝師先用保濕機幫model提高肌膚濕度再補妝,好似幾work咁,咁啱FOREVER11 BEAUTY又推出改良咗全新第三代iForever Plus納米保濕美顏器升級版,就急不及待想試用下。


跟機仲有入花水專用的膠樽和索袋一個。

呢部機特別嘅地方係,除咗可以霧化入落去嘅花水之外,仲有埋測試皮膚嘅功能,而且佢個設計好slim,細細部好方便。

功能:配合納米滲透護膚技術,能令有機花水納米化,並分裂成0.3-0.5微米的超微粒子,以每秒16萬次以上的超高速振動,有效將花水滲透到基底細胞層,確保養分得以滲透。

今次我就入咗套裝嘅NaBelle有機薰衣草洋甘菊噴霧,NaBelle呢個有機品牌嘅產品都幾有保證,公關小組提醒我用呢部機最好配返有機花水,因為始終滲透到肌膚底層,如果有人工成分同雜質都唔係咁好。

首先用附上嘅專用唧樽,將花水裝入去。再推開蓋,按掣,就有噴霧出嚟啦!

用後感:

噴出嚟嘅噴霧好幼細,噴上面個感覺涼涼地,好舒服,花水好香薰衣草味,而且噴霧唔會斷斷續續(以前用過一部幾秒就會停一次)。唯一缺點係貯水個位有啲細,要定期加返花水。同埋用嘅時候記得要豎立部機,因為打斜就會影響個噴嘴,會噴唔出噴霧架。用完之後覺得肌膚變得濕潤有彈性,可以試下上妝之前用,應該會更易上妝。

Bonus係佢同時係一部皮膚測試機,佢可以check到皮膚水分、油分同彈性。我覺得呢部機比平時用嘅水油測試機反應快啲,而且可以check晒3樣嘢,唔錯喎!

Nabelle iForever Plus納米保濕美顏器升級版 $498
套裝優惠價 $628 配一支有機花果香薰噴霧 (有6款可供選擇)

LOAD MORE