閱讀新嘗試!助你發挖新事物

By COSMO

每個人睇雜誌、報紙都有一個習慣,例如你幾年來只睇CG!,拎起其他女性雜誌上手,總係覺得封面、內容唔係好妥;又或者你一向只睇愛情小說,好難會轉睇推理小說。呢種個人對閱讀嘅喜好,係人類固定表現行為之一。不過呢,只係一味睇某類型嘅資訊,好容易令腦部變懶,唔肯接收其他你唔熟悉嘅事物,慢慢地連思想都變得狹隘,好似個咩都唔肯接受嘅「固執怪」。

要踏出活動腦筋嘅第一步,不妨向喺地鐵站、café免費派發嘅報紙刊物入手,嘗試由第一頁揭到最後一頁,你唔一定要逐隻字睇,但至少睇下入面有咩內容,包括廣告,你會發現裏面有啲陌生,甚至有啲有趣嘅資訊。當你感到有新鮮/詫異嘅感覺時,就正正達到咗刺激腦部嘅目的喇!

LOAD MORE