大陰唇肥厚的女生容易令男生得到性興奮和高潮?

By COSMO

喺陰道口兩側嘅大陰唇係女性外生殖器中不可缺少嘅一部分。同男生一樣,女性嘅陰蒂具有豐富嘅神經末梢,對外間嘅刺激都表現得極為敏感。而女性嘅大陰唇其實相當於男性嘅陰囊,男性嘅陰囊對睪丸生產精子同雄性激素有舉足輕重嘅作用。女性嘅大陰唇覆蓋小陰唇、陰道口及尿道外口,唔俾外界有害物入侵,忠實地保衛住泌尿及生殖系統嘅安全。

大陰唇深部埋藏住前庭大腺(相當於男性嘅尿道球腺),前庭大腺源源不絕地分泌黏液以潤滑同清潔陰道,保持陰道內嘅生態平衡。而大陰唇係前庭大腺嘅保衛者,保護咗盆腔嘅器官。

值得留意嘅係大陰唇係特殊氣味嘅發源地。有研究表示,女性腋下會散發出一種獨特嘅氣沐,可以吸引異性,激發異性嘅性興奮。而大陰唇裏,都有同腋下一樣嘅特殊汗腺,散發同樣嘅氣味。當然,呢種特殊氣味嘅吸引作用就因人而異。

不過大陰唇嘅脂肪下有一大塊前庭球嘅海綿體,佢可以令大陰唇好似皮球一樣鼓起。當性交嘅時候,大陰唇充血、膨脹到好似彈簧墊,可發揮將陰莖推入陰道嘅作用。此外,膨脹咗嘅大陰唇,仲有挾送同緊握陰莖嘅效果。

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE