WhatsApp傾得好開心,真人見面又覺尷尬......

By COSMO

Dear Joven:

Hello,我叫Jamie,近來在關係上有點煩惱,想請教一下你的意見:) Thanks a lot! 

我宜家讀緊大學,早幾個月前喺學校一個活動識咗個男仔。喺一次偶爾的機會下我哋展開咗WhatsApp的對話,維持到宜家都有3個月。起初大家嘅話題都係圍繞學校居多,漸漸我哋嘅話題亦擴展到生活習慣、大家嘅喜好等等。有時係我搵佢,有時係佢搵下我,例如完咗一個present、test佢就會搵我話佢今日完成咗啲咩,好多時我嘅WhatsApp都唔會講byebye,第二朝起身見到未覆嘅msg 又會回返,然後又展開新一日嘅對話。漸漸大家好似互相了解多咗,但其實都只係朋友,甚至只係普通同學關係。因為就算我哋喺學校見到面,或者喺學校嘅活動,我哋不多直接對話,見到面又尷尷尬尬咁,同埋我地有common fd,但朋友們唔知我哋私底下有密集嘅傾偈。而佢個人係比較內向被動,就算見面傾計都係我開始去傾。我有旁敲側擊問過佢有無女朋友,佢暫時係無。我都有同朋友傾過呢件事,最近我開始諗,究竟自己對佢係有鍾意既感覺,定係只係慣左有人同我傾訴? 最近我把心一橫delete咗WhatsApp 同佢嘅對話,因為唔想成日check住佢個last seen時間,又唔想好似成日係到睇返啲對話咁。我搞唔清呢種係咩感覺,佢對我係咪真係咁重要,咁大影響?所以我決定比啲時間自己去思考一下。

有點長,希望無令你睇到一嚿雲……!!Thanks !! :))

Best wishes,
Jamie

理智的Jamie:

許多愛情都是由傾傾吓的朋友關係開始,WhatsApp的出現的確為傳情帶來不少方便,不過我還是覺得「真人」相處和交往才是開展感情的好方法。既然大家同一間學校,與其神經質地check他的 「last seen」, 不如約個tea、睇個戲啦。大家後生仔,又係同學,WhatsApp無所不談,真人見面卻感覺尷尬,不是好騎呢嗎?再者,如果你讓此局面繼續下去,對感情進展是沒有好處的。

至於你怎樣才知道自己對他的心意?咪就係真人和他見面,交談和相處囉。

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-mail到editorial@cosmogirl.com.hk 跟我分享及討論啊!:)(Subject: ask joven)

歡迎加入Joven Love  ♥  Life Coaching Fan page

Love

LOAD MORE