讀者分享:眉飛「色」舞

By COSMO

celiakee

愛自由,愛扮靚!堅信在世界上只要勤力,就絕對不會與「醜」拉上任何關係。 要靚就要付出,要下苦工!

上兩篇介紹過修眉和畫眉,這篇再講講眉色。
除咗眉嘅形狀會對整體妝容有影響之外,眉的顏色亦是重要的一環。

有朋友都知道喺畫眉時所選用嘅產品 係可以改變眉色,但只係輕微改變。 如果你天生有一堂烏黑嘅眉,無論你用幾淺色嘅眉粉或眉筆,都無辦法令佢變淺。  呢個時候, 眉gel就會幫到手。 

當然,唔一定係烏黑眉毛嘅朋友先需要眉gel。有時為咗配合唔同造型,眉gel都有所用之處。

日本女生都將頭髮染得好淺色,所以佢哋必須將眉毛整到頭髮一樣色,由於顏色太淺,單用眉gel都未必可以完全遮蓋深色的眉毛,所以,佢哋除咗用眉gel之外,更會染淺眉毛

上兩篇介紹過修眉和畫眉,這篇再講講眉色。

除咗眉嘅形狀會對整體妝容有影響之外,眉的顏色亦是重要的一環。

當然, 有朋友都知道喺畫眉時所選用嘅產品 係可以改變眉色,但只係輕微改變。 如果你天生有一堂烏黑嘅眉,無論你用幾淺色嘅眉粉或眉筆,都無辦法令佢變淺。  呢個時候, 眉gel就會幫到手。 

眉gel就好似睫毛液,以有色液體去包住毛髮來改變毛髮嘅顏色及形態。可能你會話,咁我用mascara 做眉gel 咪得囉,點解又要買多支眉gel呢??

一般嚟講,兩者嘅分別,就係Mascara係以深色(黑、濃黑)嚟包住睫毛,再喺成分上增添濃密、增長之類嘅效果;而眉gel 就係以淺色(棕色、淺啡、金)來遮蓋深色嘅眉毛,亦可輕輕令眉毛定形,但主要目的都係改變顏色。

上圖是After;下圖是Before。

眉嘅顏色已經明顯變淺,咁樣會更突出眼妝~

自從我第一次染髮後,每次染頭髮之餘,都必定會染眉毛,以確保兩者顏色一致。

方法好簡單,只要利用喺染髮時剩下嘅少少染劑就ok 了。

Step 1: 先用油性嘅cream(如Vaseline) 搽喺眉嘅外圍以作保護。

Step 2: 用棉棒分幾次,每次取少少分量搽上眉,先逆方向搽(即由眉尾至眉頭), 再順方向搽,令每條眉毛都可以沾到染劑。

Step 3: 靜待15-20分鐘後洗掉就搞定了!

DIY的話,時間越長,顏色越淺,而且過一至兩天顏色會再變淺一點。所以新手染眉或第一次用新品牌時,最好唔好染太耐喔~
假如你唔係自己染髮,而係去salon 染,就要問問髮型師可否幫你染眉了。

LOAD MORE