分咗手但始終放唔低,點算?

By COSMO

Dear Joven:

你好,我宜家係single,大概係一年前我同前前度一齊,但佢喺加拿大,我喺香港。當時都好好,只係有時會有啲外國妹事件發生。直到8月我哋分開左,但未夠一個月,我就識咗個新男朋友,即係我前度,我唔知我自己係咪鐘意佢,定係錯覺?同佢一齊嘅感覺好實在,但都只係維持咗一個月。期間真係好開心,正常情侶拍拖嘅嘢,行街睇戲食飯都有做,係前前度比唔到我嘅野,嗰幾個月真係好開心,大家都係。

直到上個月,佢提出分手,原因係覺得大家唔夾,覺得我同佢擦唔出火花。但明明我哋一齊嘅時候大家都好開心,我知佢一直有同其他女仔WhatsApp玩曖昧,但我都隻眼開隻眼閉,係分手嗰陣先承認一直有同女仔曖昧。嗰刻真係好唔開心,仲話唔係真心鐘意我,只係一時衝動。雖然我知一個月感情唔深,同佢都分開咗一個月,但點解我仲會對佢有少少留戀?係咪因為我未揾到下一任而放唔低?無論做緊咩都有佢嘅影子,我應該點做至好?我究竟只係想有個人喺身邊?定真係對佢有感覺?

Flora

要學愛自己的Flora:

客氣說話,免了!

Before你進入下一段感情之前,我唔該你好好檢討下:點解你對男朋友同其他女仔曖昧,或者有「事件發生」(我唔知係咩啦,不過估係唔會令女朋友安心的事吧!),你會隻眼開隻眼閉?你有這麼覺得自己不值得尊重和這麼不相信一對一的愛情關係嗎?

Flora,一開始拍拖一定會開心的,不過能不能相處是另一門高深學問。兩個人晴天開心有幾難,如何一起面對打風落雨才是感情的考驗。再者,我講過一萬次,拍拖不一定等於白頭到老,為甚麼就是不能接受相處過之後發現性格不合?

還有,你覺得你這位前度一直是用怎樣的態度來跟你交往?或同時,你是因為甚麼而跟他拍拖?

你究竟只係想有個人喺身邊?定真係對佢有感覺?

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-mail到editorial@cosmogirl.com.hk 跟我分享及討論啊!:)(Subject: ask joven)

歡迎加入Joven Love  ♥  Life Coaching Fan page

Love

LOAD MORE