為男友墮胎後,他不理我......

By COSMO

Dear Joven,

你好,其實我都唔知點形容宜家我同所謂男朋友嘅關係,我哋段關係開始到宜家大約半年,喺埋一齊之後一個多月後我發現佢同佢個ex仲有send msgs,內容同普通情侶無分別,就算喺Facebook 到都係in relationship with her,雖然set咗privacy 得佢兩個先睇到,我諗佢哋段關係係因為我男友要來澳洲先不了了之。

我發現咗之後好嬲,要求佢講清楚,但佢唔想hurt 個女仔,我男友同我講佢哋屋企反對佢哋一齊已經hurt­­得個女仔好傷,所以就算宜家對佢無feel都唔想再hurt 佢,佢應承我以後唔會再有曖昧訊息同唔再講大話。但之後我開始成日懷疑佢,佢一唔覆我訊息我就會好唔開心,我又成日check 佢喺邊,關係時好時壞。之後佢返咗香港度假識到第二個女仔,又俾我發現佢地有曖昧訊息,我今次要佢清清楚楚講清楚,最後佢喺我面前用訊息同個女仔講佢有女朋友唔會再搵佢,呢件事又告一段落。

之後我有咗佢BB,但大家覺得宜家唔係時候所以我食藥做abortion,之後佢覺得好內疚和同情我。喺9月到佢開始成日唔用電話,原來佢想避佢個ex同喺香港識嗰個女仔。佢坦白咁同個ex講清楚話有第二個,我以為我係最後勝利,點知佢同我講,其實佢對我感覺一日少過一日。因為abortion 件事佢覺得佢應該自己一個人,唔想有relationship, 佢鐘意自由自在唔洗hurt 到人。

自從佢講到咁白之後大家就無再聯絡,加上大家都忙大學考試同論文,由9月中開始已經無聯絡,我知佢成日都好忙都唔敢俾壓力佢,同好後悔成日逼佢做決定。宜家我零零星星都會sendtext俾佢講吓生活趣事,但佢WhatsApp隔幾日先用一次,我知佢睇到我嘅訊息但佢一次都無覆過,可能佢忙緊讀書。我好鐘意佢,成日諗住一個人真係好辛苦,好想知佢點諗,我想重頭開始過,但佢就好似消失咗咁,我可以點: (

我唔介意post to public,  麻煩了。


生活愉快

A小姐

被hurt的A小姐:

在你知道可以點之前,我想你諗吓,究竟你鍾意佢咩?跟前度曖昧,用「唔想hurt佢」這麼lame的藉口也就算了,不過佢又有無諗過咁會hurt到你呢?你才是他的現任女友喔。放假又識第二個女仔,咁又算點呢?

我對墮胎沒意見,反而雙方怎樣面對將來,處理大家的關係更可以讓大家看清對方。你想想,用「唔使hurt到人」,「鍾意一個人」來做原因,幾咁乾淨俐落又不負責任,看起來還好像很瀟灑,幾方便!

你究竟點睇呢個人?

你想要一段怎樣的關係?

還有,養育下一代需要好成熟的思想。記得好好避孕。

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-mail到editorial@cosmogirl.com.hk 跟我分享及討論啊!:)(Subject: ask joven)

歡迎加入Joven Love  ♥  Life Coaching Fan page

Love

LOAD MORE