炮轟男友前,先冷靜諗一諗!

By COSMO

拍拖嗌交一定有,就算對方錯,你亦毋須次次都炮轟佢,其實開戰時機係可以揀嘅。

1. 問自己……
你點解嬲?

2. 諗清楚……
佢遲到成個鐘的確過分,不過你都要先聽解釋再決定嬲唔嬲,同時你應該諗一諗,係咪仲有咩更大嘅事令你嬲,其實你嬲,未必因為佢遲到。

3. 情況係咪重複發生?
如果佢平時好大方,但突然好妒忌你同其他男生一齊,你唔好發脾氣,應該諗下係咩令佢變成咁。

4. 佢真係錯?
攤牌前,先搞清楚成件事,不妨問吓你啲老友嘅意見,如果佢哋話呢個世界應該無男人meet到你嘅要求,你可能要檢討下。

5. 真係咁大件事?
不論大小事都發嬲,只會令佢抗拒你,日子耐咗會影響感情。佢用你個名牌手袋打死隻小強,你的確嬲,但同佢分手都於事無補,不如罰佢幫你洗一個星期碗。

6. 嗌交有無用?
如果嗌交能夠改善情況,Fine,否則傷感情又蹝口水。

7. 你承受到後果嗎?
你同佢開戰都要承擔風險,唔好以為佢奉旨要俾你鬧,如果因為小事而令佢決定永遠休戰,你可能會後悔一世。相反,如果你決定唔出聲,亦要考慮到底值唔值得。

LOAD MORE