四季都啱用!12個唇部護理tips

by Karen C.

唇部護理係好多女生都會忽略嘅一個步驟,即使皮膚幾靚都好,如果個嘴乾到甩皮,都會影響儀容!

因為嘴唇無皮脂膜保護,所以水分容易蒸發走,令唇部容易乾燥。由於春天比較大風,夏天又經常會留喺冷氣地方,秋冬季天氣又乾燥,所以唇部護理係一年四季都要做架!

想擁有粉嫩嘅嘴唇,就要留意以下嘅tips:

1. 千祈唔好用手撕去唇上嘅皮,除咗會令雙唇顏色更暗沉外,仲有機會整傷個嘴,導致疼痛、流血,甚至會感染細菌。如果唇部乾裂,可以先用熱毛巾敷唇3-5分鐘左右,再用柔軟嘅刷或者毛巾輕力擦走死皮,之後搽上潤唇膏。

2. 唔好舔唇,呢個動作只可以為唇部帶來短暫嘅濕潤,而當口水被蒸發時會同時帶走唇部肌膚嘅水分,令嘴唇越來越乾,甚至會令唇部周圍嘅肌膚變得粗糙。

3. 沖涼時喺嘴唇搽一層厚厚嘅潤唇膏,因為溫度可以加速血液循環,令護唇產品更易吸收。

4. 每星期做一次唇部去角質,建議沖涼之後做。同樣地用熱毛巾敷唇幾分鐘,再擦走死皮,之後可使用護唇膜。

5. 蜜糖具有強效嘅保濕功效,每晚瞓覺之前,用化妝棉或棉花棒沾一啲蜜糖搽喺唇上,然後用手指輕輕按摩,促進血液循環,令嘴唇滋養。如果唇部覺得好乾燥,可以將蜜糖敷喺嘴唇20分鐘再洗走。

6. 隨身帶備潤唇膏,最好係含有維他命E等滋潤成分。

7. 多飲水,尤其係長期坐冷氣房工作嘅你。記住唔好口渴先去飲水,應該以「少喝多次」嘅飲法最為理想。

8. 嘴唇肌膚容易吸收紫外線,所以無論任何季節,建議選用有防曬功能嘅潤唇產品。

9. 用於眼部肌膚嘅產品同樣適用於唇部肌膚,如果唇部周圍嘅肌膚粗糙,不妨搽少少眼霜,達致修護效果。

10. 平時食完嘢抹嘴唔好用紙巾用力咁抹,應該輕輕咁印,避免加深唇紋,甚至令唇部受傷。

11. 化過唇妝後,可用成分溫和嘅唇部卸妝液落妝,避免使用清潔力太強嘅產品刺激嘴唇。

12. 如果嘴唇乾裂,要避免食辛辣等刺激性食物,防止情況惡化。
CG! Recommended:

evie 純奧圖玫瑰深層滋潤護唇膜 HK$260

於晚間睡眠時深層滋潤並修護雙唇,長時間發揮保濕效果。第二天早上醒來,雙唇感覺柔軟嫩滑,更可在短時間內減淡唇紋,唇色明顯回復嬌嫩粉紅。

DermeQuest 3D 幹細胞激活亮唇精華 HK$450

在固有的3D植物幹細胞王牌配方上針對性地加入紫丁香植物幹細胞,為缺乏天然油脂保護的唇部肌膚帶來由內而外的滋潤修護。原配方增生膠原蛋白和抗氧化功效有助減淡唇紋與唇色。

Nabelle有機護唇膏 HK$99

採用天然有機植物油及天然蜂蠟,乳木果油和荷荷芭油等,質地較柔軟及具修復細胞和抗氧化效果,提供深層的保護,紓緩乾燥和嘴唇乾裂。

BURT’S BEES 小蜜蜂蜜蠟潤唇膏 HK$49.9

蘊含多種具修護功效之天然成分如薄荷、蜂蠟、椰子油、甜杏仁油、迷迭香精華及維他命 E,能即時修護唇部,幫助細胞更生及血液循環,令嘴唇潤澤而富彈性。

Curél 潤浸保濕護唇膏HK$75

蘊含「潤浸保濕Ceramide功能成分」和 「長效水潤護唇配方」,給予唇部持久高密度水潤效果,有效深入嘴唇底層鎖緊水分。

HELENA RUBINSTEIN 骨膠原彈力再生緊緻唇霜 (Nude Pink) HK$400

蘊含pro-Xfill,在肌膚中心處啟動極緻豐唇的膠原蛋白製造。輕輕一塗,唇部輪廓即時得以重塑,質感柔滑無瑕,撫平唇紋。

MAYBELLINE Baby Lips 愛色修護潤唇膏 HK$29

 

蘊含豐富活性護理成分及植物細胞修護精華,提供飽滿度和水分,補充彈性和刺激自然生產膠原蛋白。並含有SPF18防曬功能,令雙唇免受紫外線的傷害。

CLINIQUE Chubby Stick 滋潤出色唇膏筆 HK$150

具有如唇膏般的濃郁色澤,同時有如潤唇膏的高效補濕滋潤效果,有效減淡唇紋和防止唇部脫皮,令雙唇回復柔軟潤澤。

LOAD MORE