拍拖的打電話守則!

By COSMO

拍拖唔代表你可以喺任何時候打俾對方,因為有時呢啲甜蜜電話分分鐘會變成騷擾。
 
朝早9點前、夜晚11點後,唔好打去對方屋企,尤其對方係同屋企人住。
 
工作時唔好傾電話,對你對佢都無好處。要傾,可以留返lunch time或者放工後。
 
對方同朋友hang out時,唔好打電話check住晒,咁樣會好掃興,男友亦會好無面。
 
你自己同朋友出街時,都唔好不斷打電話俾男友,咁樣朋友會覺你唔重視佢哋之餘,會覺得好無奈,因為無人想一直聽你同男友嘅「綿綿情話」。
 
如果打第一通電話佢無聽,唔好狂打直至接通,對方可能因為開緊會或者睇緊戲先唔方便聽電話,到佢方便時,自然會打返俾你。
 
當你哋關係唔穩定或者感情出現問題時,你越打得多,佢越想避開你。
LOAD MORE