臨結婚的EX搵我上床......

By COSMO

Dear Joven:

你好,從你文章得知你會回答讀者嘅感情問題,因此希望你可以幫忙一下,加以分析我的個案:

喺兩年前,我因為學業嘅關係,要到酒店餐廳實習(由5月中到8月頭)。剛開始實習時,都有同一位學校同學拍拖,但拍咗兩星期就分咗手。之後就努力實習,喺實習期間,我每日都要返早開檔,而我的餐廳有自己獨立廚房,而每日都有一個廚師返早開檔,多數我為咗趕返工都無食早餐,而佢就會煮早餐俾我食,就係咁日對夜對,我哋就喺7月頭開始拍拖。

雖然佢大我7年,但實習期間日對夜對,而且係蜜月期,所以都無咩大問題。到實習完左咗,而且我又有大把時間無人陪,開始同佢嗌交多咗,同埋果時我只有18歲,我未懂事成日發小姐脾氣,大家都唔開心。雖然佢都幾錫我,但同佢出街大家都無咩嘢講,完全無講無笑,完全唔似其他人開開心心咁同自己另一半出街。有一次,同佢出街,果日無啦啦電話勁多WhatsApp,原來係一個都同佢幾啱key嘅前女同事send俾佢,因為嗰時個女仔都有男朋友,而且我同個女仔都幾熟,所以我都覺得無咩問題。 但2011年3月,我又因為啲事發小姐脾氣,佢叫我俾幾日時間佢冷靜下,叫我唔好打俾佢,但我最後都係忍唔住打咗俾佢,但佢都無聽,反而係WhatsApp話我做咩打俾佢。到了下星期,佢放假,我依舊去佢屋企搵佢,同佢咩咩,之後就去左同佢朋友食飯,佢第2日就同我講分手。分手之後幾日,佢係FB upload咗張相,係佢同一個女仔嘅倒影,之後我係WhatsApp同佢講 : 祝你同果個女仔幸福。之後佢覆我 : 對唔住,跟住我話 : 你對唔住都改變唔到你事實。之後佢覆我 : 咁我無嘢好講了。

之後我喺同事口中得知,佢個新女朋友,就係果日出街send WhatsApp俾佢嗰個前女同事。同佢分咗手兩個月之後,我依家呢個男朋友就嚟搵番我(都係之前係酒店識,只不過係同左佢一齊就無交往落去),之後就同佢開始左直到依家仲一齊緊,依家呢個男朋友都好錫我,對我好好,同佢一齊都好開心!!!

其實同之前嗰個分左手之後,經朋友介紹去咗玩塔羅,一直都keep住有玩,我每一次去玩,仍都話我同佢緣份未盡,直到幾個月前有一次去玩,佢話個EX會搵番我,點知真係,而且仲講埋啲好曖昧嘅嘢,之後我仲上左佢屋企,但無做啲唔應該做嘅野,上咗佢屋企之後先知佢出年3月就會去台灣影結婚相。之後都無再搵對方,直到上星期佢係WhatsApp叫我做啲野,但我唔肯,於是我問佢 :你憑咩叫我咁做,你係我邊個??
佢答:我係你鐘意嘅人。
我話:咁我係你邊個啊??
佢答:有啲在意嘅人。

之後,我就打俾佢,我話:其實你都係想我做果啲嘢,先會話我係你有啲在意嘅人架姐。

佢答:唔係,你知我唔係啲咁嘅人。

之後,我真係無言,我地之後講左啲無聊嘢就收咗線。

p.s. Sorry!打得有啲亂,希望你唔介意,可以睇哂成個故事,同埋希望你可以啲意見我啦。

感謝你!!

Ivy

傻瓜Ivy:

即係咁,在你未看我的回答之前。請拿出你的電話,然後把這個男人的電話delete。首先,佢當你係咩人?打個WhatsApp 叫你上床?加上他應該是預備結婚了,還周圍搵開心?簡直是賤男300!

坦白講,先不說他告訴你是他在意的人,實在是搵人上床的廢話,如果你有這種賤男在意你,你真係要搵碌柚葉沖涼加十日十夜用消毒藥水噴屋!!!

如果在這樣的情況下,你還想花時間去研究該怎樣處理他,懷疑他對你是有一點真心,我覺得你要去驗下個腦!!

p.s.關於塔羅,請參閱::有愛情煩惱搵占卜師搞掂?

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-mail到editorial@cosmogirl.com.hk 跟我分享及討論啊!:)(Subject: ask joven)

歡迎加入Joven Love  ♥  Life Coaching Fan page

Love

LOAD MORE