愛他還是他的條件?

By COSMO

Hi Joven:

很高興可以向你呢個思路清晰嘅專家傾訴。

我大學畢業一年多啦,但對事業同愛情都係模糊不清,唔知自己想點。

其一係因為自己無咩經驗同閱歷,好多嘢都未試過,其二係屋企一向不會崇尚物質生活,當面對現實社會嘅尺度,自己一時唔知道如何定位,喺現實同理想中間不斷掙扎。

多年嚟,多得學校同家人嘅支持,我好幸運咁發掘到自己好多好多嘅興趣,一直培養自己語言、文化、藝術等各方面嘅才能。好多朋友都視我為一個多才多藝嘅人。開始踏入社會,發現一個所謂成功嘅人原來要好清楚自己嘅目標,無論事業定愛情都係咁。現時係社會大學打滾嘅我,仲係以數學堂所學到嘅排除法 by elimination 咁樣行我嘅路。

愛情方面,我尤其對點樣先可以揀到一個適合我嘅人而頭疼。我發現我會介意男友嘅能力,我覺得要有能力(思維比金錢更為重要)幫到我嘅先會令我信服。現時有個對我體貼並愛護有加嘅廿四孝男友。但我因為佢嘅能力而好衰咁想喺7個月內第二度分手。之前喺返埋一齊都只係因為比佢感動到,問題仍在。

站係一個女人嘅角度,搵到一個好愛你,你亦都愛,但講到現實卻有一點距離嘅男人,係咪應該好好珍惜,唔好太大想頭?

23歲的讀者Phy

理智的 Phy:

年輕的優點是可以放膽摸索、歷險,透過成功和失敗,找出合適自己的路。沒有很多經歷不是壞事,有時太有框架未必是好事。Be open-minded,不論對自己和對身邊的事也是!

從你的文字,我估計你是一個偏向理性和邏輯的女生。這種女生在愛情上可能比一些情感神經豐富的女生迷惘和不知所措。因為呢,愛情未必可以用數學的邏輯來推算 :p,你又「不容易」對一個人好有feel。Feel這個字對你好陌生,即使你有,也未必「感受」得到,因為有好多理性的思想馬上湧出來,蓋過了那打從心底發出的訊息。

昨天,我在看着日劇《不結婚》,劇中配角的一句話對好多女生來說是當頭棒喝:「你是愛上身邊的這個人?還是他的條件?」

我再問你,你渴望的愛情關係是怎樣? 請試着visualize,不要用紙筆記下。留意你的當下的感覺和情緒。

你說你亦愛他,這個「愛」的感覺,是從何而來?他和你的這個差異會影響你渴望的愛情關係嗎?對愛情的要求沒有對錯,不過事實是世上沒有一個完美情人,所以你要prioritize:廿四孝緊要啲?還是有幫你的能力緊要啲? 哪一樣可以令你最貼近你渴望的愛情關係?現在這個距離,有甚麼辦法可以拉近?是不可改變的距離嗎?你倆有做過點甚麼嘗試把距離拉近?甚至,你有想過,差異可能會帶來其他對關係的幫助?

我的經驗告訴我,如果你愛上一個人是因為他的條件,這份感情會很脆弱。

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-mail到editorial@cosmogirl.com.hk 跟我分享及討論啊!:)(Subject: ask joven)

歡迎加入Joven Love  ♥  Life Coaching Fan page

Love

LOAD MORE