4個減壓小法寶!

By COSMO

對一眾CG!嚟講,每日都面對住一堆工作/功課、老闆們嘅壓逼,壓力往往大到嚴重影響內分泌。一旦內分泌失調,除咗影響情緒,仲會引起水腫、肥胖、皮膚變差、滿臉粒粒,總之問題多多。可怕嘅係由壓力造成嘅問題,係會突然爆發,而且一發不可收拾。所以,每當有壓力時,應該馬上將佢釋放出嚟。要點釋放?下面一啲簡單嘅小法寶,可以隨身攜帶,隨時隨地幫到你!

1. 紙和筆:將自己嘅壓力轉化成畫圖像,釋放出來,畫自己想畫嘅嘢。例如將老闆畫成一隻豬(只要唔好俾佢發現就可以),畫完之後會令你偷笑一下,將壓力拋諸腦後。

2. 小香包:純天然嘅植物精油芳香可以刺激或撫平人類大腦邊緣系統嘅神經細胞,有效紓緩神經緊張及心理壓力。所以,隨身準備一個灑上精油嘅香包,喺壓力好大嘅時候聞一聞,可以起到鎮靜凝神嘅作用。

3. 家人/愛人/旅行的照片:喺銀包入面放一啲親人或者旅遊時嘅相片,當你覺得壓力好大、煩躁不安嘅時候拎出嚟睇下,回憶開心嘅事情,趕走壓力。

4. 氣泡紙:嘅手袋入面準備一啲氣泡紙,當壓力巨大、怒氣沖天嘅時候,拎出嚟將氣泡袋上面嘅氣泡掐爆,係一個快速平伏怒氣嘅方法,不妨試試。

LOAD MORE