編輯試用:重點擊退黑眼圈!

by Cynthia

CLINIQUE嘅Ever Better系列一向都大獲好評,宜家佢哋又有新成員,就係專門針對黑眼圈問題嘅Even Better Eyes Dark Circle Corrector!

產品最特別係附設採用人體工學設計嘅金屬按摩棒,係專為眼底輪廓度身訂造,配合按摩動作可以改善微循環,消除雙眼浮腫,改善黑眼圈。

用後感:我好鍾意眼霜個金屬按摩頭設計,按喺眼周好冰涼好舒服,朝早用仲可以減輕浮腫添!眼霜係乳霜質地,但唔算稠身,好快吸收!我朝早試用過,膚色真係明亮咗,有即時減淡黑眼圈嘅效果。至於可唔可以真係去黑眼圈,就要再試長啲時間先知!

另外,聽公關小姐講,雖然眼霜係肉色,但其實佢係護膚品唔係化妝品嚟架,而且妝前妝後都用得。眼霜有CLINIQUE獨家研發嘅半透明光學科技,可以折射光線,令眼周肌色有即時明亮效果。加上臨床實驗證明,早晚兩次、持續使用12星期後,能明顯減淡黑眼圈達30%。等我都要keep住用,趕走黑眼圈!

 

售價: $320/ 10ml

LOAD MORE