編輯分享:用眼線勾出低調的眼尾!

by Karen C.

Karen C. (CosmoGIRL! Web Editor)

上次同大家分享過我認為好用嘅眼線產品,今次就分享下我畫眼線嘅方法啦!其實我都係自己畫下畫下而學識畫眼線,靠自己不斷畫、不斷試先成功,同埋一支啱自己用嘅眼線筆都好重要!

因為我對眼比較細,所以我慣咗畫粗眼線。將眼線畫長啲嘅話,可以令對眼更有神同更大,所以我仲會喺眼尾畫少少勾,拉長個眼尾。

上次都有提及過,我最常用嘅眼線產品係韓國品牌CLIO Kill Black防水眼線液,粗幼兩支我都會用。


(左) KILL BLACK防水眼線液 (細緻型) $145
(右) KILL BLACK 防水眼線液 $125

先睇睇我隻素眼。

首先,用粗筆咀嗰支沿住眼線位置畫一條眼線

然後,用幼筆咀眼線液喺眼尾位置畫一個類似「三角形」嘅框框。
個眼尾「勾」想要幾長幾尖,可以隨你鍾意自己畫。
想唔誇張,就好似我呢個咁。

然後將個框框填滿。

之後,用幼筆咀眼線液去修飾成條眼線
想加粗啲,又或者個尾想加長啲都得。
完成。(我呢張相就係加粗咗條眼線

合上眼的效果。

初初嘅時候好容易兩眼畫個尾畫得唔對稱,每次畫完都應該直望鏡子,睇吓條眼線邊啲位唔對稱,可以用幼筆咀眼線液去修飾。所謂「Practise makes prefect」,畫得多就會畫得順啲架喇。

LOAD MORE