玩味變身:鐵盒麻雀鳳梨酥!

by Cynthia

美心之前同G.O.D.合作,推出好多搞鬼嘅得意食物,例如有好似成盒麻雀嘅「十三么」曲奇餅、懷舊信箱包裝嘅杏仁條、成盒雞蛋咁嘅「是蛋啦」蛋卷。


佢哋今次又有新搞作啦,推出「美心 x G.O.D.之食乜糊:土鳳梨酥麻雀禮盒」,用懷舊麻雀鐵盒,載住麻雀造型嘅土鳳梨酥,仲有3種意頭餬牌的包裝組合,包括「大四喜」、「十三么」及「大三元」。之於食咩糊,就要你打開鐵盒先知啦!買嚟做禮物,或者自己收藏都ok啊!

而呢盒嘢都唔係淨係得個樣架,坊間一般鳳梨酥餡料都會加入冬瓜蓉,呢個土鳳梨酥嘅餡料就100%用台灣原生土產鳳梨製作,酸酸甜甜,唔會甜到漏!

美心 x G.O.D.之食乜糊:土鳳梨酥麻雀禮盒」$138
每盒有16件麻雀造型包裝的土鳳梨酥(其中兩隻為百搭牌包裝),12月19日起於全線香港美心西餅及指定G.O.D.分店有售。數量有限,售完即止。
 

LOAD MORE