分手後應繼續用避孕貼嗎?

by Miss Sex

Dear Miss Sex,

你好! 我一路都有用避孕貼,但係我近日同男朋友分手喇,我唔知道應該繼續使用避孕貼還是唔用。因為如果我繼續使用避孕貼,當我有新男朋友嘅時候我可以減少我有bb嘅機會,但係如果我無新男朋友嘅話,我又怕我長期使用避孕貼會影響我將來生bb,或者我現在唔繼續使用,後來有男朋友嘅時候先使用身體會唔會識別唔到?

Please help me! Thanks a lot :)

Charmaine

 

Dear Charming Charmaine,

你都聽過舊的感情包袱不應帶到新的關係裏,Miss Sex覺得這同樣可應用到避孕方法之上。

新男友幾時出現,真係無人知,或許他願意不讓女友承受避孕藥物的風險而肯戴套呢?又或者你未必知道新相識的底細,猜不透跟他是霧水情緣還是可發展成長遠關係,除了要考慮避孕的風險,你亦都要保護自己免受性病傳染,尤其當你不清楚對方的性史或是否同時有其他性伴侶。

Miss Sex並不認為全部男人都是PK或用下半身思考,但還是想提醒女生世途險惡,心被人hurt可能防避不了,但至少你應該防衞自己的身體。

所以Miss Sex建議,跟新男人發展,最初發生性關係還是使用避孕套為上,到大家關係穩定下來才一起商量較長遠的避孕方法。Miss Sex的精明單身姊妺更會在出外「獵食」或約會時自備避孕套,到時有著落就唔會怯場或發生「意外」。那不是濫交或發姣,而是對自己身體負責,讓自己無後顧之憂去享受性。

至於長期使用避孕貼會否影響生育能力,答案是No。現時巿面有售的避孕貼只需停用一段時間(一至數個月不等),就可讓身體回復正常生育能力。體形過胖的女性則可能需要較長時間回復正常。

其實只要按照正確方法使用,即使停用避孕貼一段時間,再使用應不會構成問題。不過Miss Sex不是專業人士,建議你到時候問清楚醫生以評估你的個人狀況。

Play safe,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE