3招助你保持好心情!

By COSMO

有說開心、笑,甚至愚蠢都會被傳染,原來連寂寞都唔例外。有研究資料顯示,只要你有一個寂寞嘅親友、鄰居,都有可能增加你感到寂寞嘅機會,而且佢嘅傳染速度好快!一個寂寞人嘅身體語言、表情、語氣,都會令身邊嘅人感到寂寞。假如你身邊有咁樣嘅朋友,唔係叫你遠離佢,但至少你要有能力保持自己嘅好情緒。要搵到真正嘅寧靜,你可以試試以下方法,亦不妨請你嘅寂寞朋友參考一下:

‧我哋有時習慣捍衛自己嘅立場,令腦袋轉個不停,將注意力集中喺嬴同輸上面,不如試吓同人講:「我明你嘅立場。」咁樣有助你冷靜情緒,離開繃緊踲嘅狀態。

‧望住塊鏡,大聲同自己講:「我可以接受批評,我同其他人一樣好,我好勇敢!」起初你可能會覺得怪怪的,但久而久之,自信就會返晒嚟。

‧享受你而家擁有的,唔好憂慮將來未發生嘅事。如果你開始胡思亂想,就提醒自己活在當下,將注意力放返去你眼前嘅好事物上。

LOAD MORE