男友想我像AV女優

by Miss Sex

Hi Miss Sex,

我就28架啦,以前同男朋友做,都係佢哋做主動多,都唔使我點引導or撩佢哋……但係我而家呢個男朋友就好唔同,佢係第一個令我有高潮嘅人。但係佢有時會同我傾,話我唔夠女人,唔識點樣去令佢有慾望,佢有時會叫我睇吓啲AV學吓。

有一次佢買咗啲好sexy嘅衫比我著,我著完都唔得好大方咁企喺佢面前,左遮右掩,一來我覺得自己又細粒,又有幾摺肚腩,又唔夠S形(因為佢好like長腿),二來我唔敢,因為好似覺得自己好姣,試過好多次都想表現得sexy啲同姣啲,但係我真係過唔到自己!好似又有一次佢叫我玩角色扮演,我做妹仔,但我覺得自己係逼緊自己去扮,根本連我自己都覺得唔似,我係佢都會覺得無癮。

仲有,佢好like睇AV,日日都會睇,一睇就會自己打飛機,我喺度都一樣。我有時會覺得自己好屎,男朋友肯定覺得我唔吸引先會咁,我有問過佢,佢話有時覺得好攰,唔想郁,同埋話自己身體差,但有時佢又寧願我幫佢口交,都唔會同我做……到底係咪我嘅問題呀??

仲有,個main point係我好奇怪,我其實好多時都好想做愛,但係唔係好like高潮嗰種想小便嘅感覺,反而係另一種好high嘅感覺令我一路以來都以為係高潮。但得到咗高潮感覺後,我就會立刻即時唔想再做,尤其係我男朋友keep住壓住我兩隻腳,佢係咁插我嘅時候,我覺得對腳好攰,啲筋又扯住……

Miss Sex,你可唔可以教吓我應該可以點做?點樣可以令自己放啲,同埋可以令佢覺得好想同我做愛?Thanks a lot ~~~ 希望你唔好嫌我長氣,呢啲問題真係煩咗我好耐……

心急人上

 

Dear Miss 急都急唔嚟:

首先,Miss Sex要壓抑爆粗的衝動,竭力用文雅的語言說:你男友都戇居的。

一個男人要求女友要像AV女優,等於一個女人要求男友要像韓劇的男主角,是十級的不切實際和低智。

你男友似乎不明白做人男友或擁有一個女友是怎麼回事,他想要的只是個免費的性工作者。而你擔當不了也無可能擔當這個角色,就話你有問題。

兩情雙悅的性愛講求give and take,只想take而要求女人不停地give的男人,不配做人男朋友。乜嘢攰唔想郁,嘥氣啦,他根本就是懶,是自私。

拍拖又好做愛又好,一對相戀男女能成為好情人,不是因為一開始便完美無敵,而是雙方也耐心給對方機會學做一個好情人。而我看到的是,你明明在幼嫩的階段,對方無耐性等你慢慢進步,而想你一爆出嚟就已經是完美性女,等於一個女人無耐性等男人慢慢建立事業,希望一嘢釣到金龜婿,傻的嗎?

性生活不協調必定是兩個人的事,你固然有要改進的地方,同時Miss Sex覺得你男友都好大問題。不過鬼叫你鍾意佢咩,改變唔到男人唯有改變自己,做女人就是這樣無奈。

首先,你要慢慢培養自己的sexual self,唔鍾意自己個肚多褶就做多啲運動培養身體自信。

也要從此在你的字典裏抹走個「姣」字,這個字留給自信低的女人用吧,改為「變得sexy啲」。語言改變思想。

演員演戲前都要慢慢培養情緒,你在登上私人舞台前,嘗試在日常生活注入一些令你覺得自在的女人元素,例如由透明唇彩轉換成美艷唇膏,由密實leggings轉成高筒襪,由果香香水轉為花香等,由女生變成一個性成熟女人是一個漫長過程,突然穿件褻衣上身當然不會入戲。

即使男友不會看到,也開始試穿加添性感元素的內衣,多少少喱士,多少少魚網,多少少漆皮,慢慢你就覺得自己其實carry到。

至於你話抗拒性高潮嗰種尿急和腳抽筋感覺,Miss Sex除了叫你放開接受唔好停之外,都無咩好講。Miss Sex為咗嗰幾秒「尿急」,都唔記得抽咗幾多次筋撞瘀幾多次頭磨甩幾多塊皮,但仍然覺得值得,你明白當中態度的分野嗎?

而無論高潮的high還是動情時的high,Miss Sex都會照單全收。因為男人就是喜歡貪心和為了享受性而在所不計的fun女人。

希望你能有所得着。

Xoxo,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE