寒冬保暖小貼士!

by Cynthia

天氣愈嚟愈凍,雖然話女生比男生更加「耐寒」,但保暖功夫一定要做足,先可以避免冷親。唔想吓吓着到成隻「糉」咁,其實都仲有其他保暖小貼士:

• 唔想着咁厚嘅衫,可以着有發熱功能嘅保暖內衣打底,基本上已經夠暖。如果天氣再凍啲,可以加件薄嘅羊毛內衣,咁就唔怕凍啦。

• 身體有兩個位置對溫度最敏感,就係頸部同腹部,所以天冷嘅時候記得要戴頸巾,再凍啲或者經期前後可以穿上特別為腹部保暖嘅打底褲/絲襪,減少凍親嘅機會。

• 因為腳部離心臟最遠,而且脂肪較少,所以保暖能力比較差。如果喺屋企覺得凍,可以試吓着返對保暖襪,同埋睡前浸一個暖水足浴,就會暖笠笠瞓得好啲。

• 夜晚可以飲返杯薑茶,會有暖身嘅功效。如果驚薑茶太燥熱,可以飲熱牛奶,都一樣work架!

strtotime('2012-12-16')) && strtotime($today)