解構秋冬護膚四大問題

By COSMO

護膚品使唔使換季?

1. 如果用返夏天較清爽嘅面霜,都無出現缺水出油情況,就可以繼續用,但如果朝早搽完下晝覺得乾,可以再加保濕噴霧同乳液補充水分。如果搽完好快就覺得乾、繃緊,就需要再加多層薄薄嘅面霜,加強保濕效果。

2. 不過當皮膚出現泛紅、痕癢甚至甩皮,就唔係缺水咁簡單,而係皮膚受損。避免用重油分滋潤產品,應該轉用專為敏感肌膚而設嘅護膚品。

3. 表面上秋冬季陽光無咁猛烈,但紫外光其實無減弱到,所以一定要做足防曬。

秋冬仲使唔使美白?

1. 要!因為美白係長時間作戰,要持續至少1個月先會見效,想有明顯美白效果,需時2至3個月。

2. 雖然日曬少咗,但美白都要繼續,以避免皮膚因為夏天曝曬後繼續變黑,防止色斑出現或加深。

3. 如果因為曬傷曬紅,令皮膚變得粗糙暗啞,單靠美白產品就並唔夠嘞,反而要注重保濕修護。

秋天仲應唔應去角質?

1. 秋天開始,人嘅新陳代謝會減慢,面泛油光、暗啞等問題會更嚴重。如果皮膚只係乾同缺乏光澤,無其他明顯問題,可以每星期一至兩次,用濃度較低的去角質產品,加快皮膚新陳代謝。

2. 除咗去角質護理,仲要勤做臉部按摩,促進血液循環,可以令面色更紅潤。

3. 切記換膚/去角質等護理不能做得太頻密,否則好易令皮膚變得敏感。

敏感肌換季要注意啲乜?

1. 重點係要加強保護皮膚,一定要做足防曬、抗氧化、保濕,一步都不能少。

2. 建議使用含維他命A或具修護功效的護膚品,舒緩皮膚受損情況,防止炎症擴散和惡化。

strtotime('2012-12-09')) && strtotime($today)