做了第三者,但男友最近變得冷淡......

By COSMO

Hi Joven: 

我同我男朋友喺一次朋友嘅酒吧聚會中認識,我同佢WhatsApp對話咗幾日,期間佢都有透露佢對我有好感,而我對佢其實就一見鍾情。跟住大約傾咗一個星期左右,佢就同我講其實佢已經有女朋友,但係就已經無晒感覺,但係由於佢哋係同一間公司嘅partner,如果分手做得唔好會影響公司,所以可能要一段時間先可以處理到。當時我相信佢因為唔想我唔開心,會盡快處理佢哋之間嘅事,佢亦都對我好好,隔一兩日就會同我食飯,就算要係公司OT,佢都會同我講電話。但係我同佢已經差唔多一齊咗半年,佢本來答應咗我好多嘢,但係到宜家好多都未實現過。佢由六月開始就越黎越忙,叫佢陪我,佢唔係話做野就係要上堂,甚至乎連約咗我食飯,都可以臨時話有嘢要做放我飛機。叫佢星期日放假陪我,都可以成日搵佢唔到,到搵到佢嘅時候唔係電話無電就話收唔到,再唔就話見緊客或者係同屋企人返左大陸做嘢!!!近呢三個月約親佢佢都話唔得得,就連淨係叫佢食餐飯都唔得閒!!!

我身邊好多朋友都知佢唔得閒陪我,但係佢哋就唔知道我哋之間嘅關係,佢哋仲會成日話佢咁少時間陪我會唔會係出面收埋第二個,仲叫我飛咗佢搵過第二個,但係其實佢地唔知嘅係我先至係小三。比佢地講下講下搞到我開始覺得佢係唔係由一開始對我根本唔係認真,同埋有好多時我搵唔到佢,我就會覺得佢無諗過同佢女友分開,根本只係對住佢本身個女朋友對到厭,想出嚟玩下,定還是係我自己太多心,亂咁諗野!!!

其實我係一個好鍾意亂諗嘢嘅人,希望有人可以以一個非常客觀嘅角度比意見我同埋開解下我。
Thank you very much~~~~

J

Hi J:

先不說他近來對你的態度和表現,你問自己,在和他一起六個月的今日,你對你自己第三者的身分有甚麼意見和感覺?接受的繼續,不接受的,就坦白跟他說清楚,要求正面的交代。

我們沒有辦法知道他神龍見首不見尾,隨時隨地失去聯絡的原因。問題是,這樣的相處方法,你可以接受嗎?接受的繼續,不能接受的,就跟他說出你的感受和要求。

By the way,你會稱他做男朋友嗎?

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-mail到editorial@cosmogirl.com.hk 跟我分享及討論啊!:)(Subject: ask joven)

歡迎加入Joven Love  ♥  Life Coaching Fan page

Love

LOAD MORE