轉季必睇:8款眼霜大比併!

by TEXT : 韋寶

成日話眼部肌膚好脆弱,所以我真係好注重眼霜,尤其我對眼「唔爭氣」,成日出油,搞到眼線/mascara好易溶,一定要用啲補濕度極高嘅眼霜先得,所以今次揀咗8款不同牌子的眼霜來測試,讓大家更易找到合適的眼霜!

Estee Lauder極致保濕活能眼霜 $298 / 10g
特點:配方中的仿生物保護層複合物,可加強肌膚的天然保護作用,避免水分流失。而Tri-HA Cell Signaling Complex™,則可促進天然透明質酸的製造。
 
保濕度:★★★☆☆(3星半)
吸收度:★★★★☆
清爽度:★★★★☆
氣味:★★★☆☆
 
總評:雖然係cream狀,但一啲都唔黏立,仲吸收得好快添,lunch後1小時眼線只是溶了少許。
John Masters Organics Firming eye gel $520 / 15ml
特點:蘊含全新天然防腐劑阿斯樹皮,可有效防止有害細菌生長。其他成分包括燕麥內核提取物、螺旋藻、水稻及黑麥提取物,可減少皺紋、改善浮腫,以及滋養眼部皮膚。
 
保濕度:★★★★☆
吸收度:★★★☆☆(3星半)
清爽度:★★★☆☆(3星半)
氣味:★★★☆☆
 
總評:唧出少許已足夠塗抹眼部,搽嘅時候覺得質地好似水咁,塗後感覺清爽。
LANEIGE水庫凝肌啫喱眼霜 $290/ 25ml
特點:雪凍後可作Eye Mask 之用,於眼部厚敷10分鐘然後抹掉即可。成分中蘊含銀杏、金黃質及三萜酯,有助抗氧化及促進血液循環,令眼部肌膚得以延緩衰老。
 
保濕度:★★★★☆(4星半)
吸收度:★★★★☆
清爽度:★★★★☆
氣味:★★★★☆
 
總評:咁多款眼霜中我最鍾意呢款,因為真係好夠補濕,塗抹時有注水的感覺。而且個味既清香又refreshing,仲可以雪凍後當eye mask 用,讚呀!
Origins悅肌再生眼霜 $440 /15ml
特點:蘊含非洲長青木及康普茶等,可促進眼部肌膚底層的膠原蛋白自我增生,並撫平眼部四周的細紋。
 
保濕度:★★★☆☆(3星半)
吸收度:★★★★☆
清爽度:★★★★☆
氣味:★★★☆☆
 
總評:觸感幼滑,而且吸收度不錯,推幾下就吸收了。塗抹時雖不覺得特別補濕,不過眼線過了一整天都沒怎麼溶掉,不錯。
Melvita有機高山玫瑰亮睛眼霜 $360/15ml
特點:獲有機認證,無添加任何香料。成分方面,採用了萃取自法國高山野玫瑰的花瓣精華,揉合有機大馬士革玫瑰花水及紅海藻精華等,可促進眼部皮膚微循環,有效減淡黑眼圈及減退眼腫。
 
保濕度:★★★★☆
吸收度:★★★☆☆
清爽度:★★★☆☆(3星半)
氣味:★★☆☆☆(2星半)
 
總評:質地是水潤的gel狀,雖不是一搽就瞬即吸收,但保濕度不錯,唯一缺點是唧出來時要輕力一點,否則會唧出多餘分量。
BURT’S BEES®極致保濕活能眼霜 $298 / 10g
特點:含有地中海快樂鼠尾草、益生菌保濕因子及西班牙苦橙精華等成分,可令水分平均分佈,並滋潤乾燥肌膚。
 
保濕度:★★★☆☆(3星半)
吸收度:★★★☆☆
清爽度:★★☆☆☆(2星半)
氣味:★★★☆☆
 
總評:質地感覺較厚,要多推幾下才塗勻。使用後返到公司約1小時,眼線就溶了,不適合我對「油眼」於早上使用。不過筆頭狀的「尖嘴」設計,可唧出較少的分量,設計特別得來又幾方便。
CLINIQUE激活激光修護眼霜$370(15ml)
特點:CLINIQUE最新的抗老化眼霜,成分包括藤黃微球菌脂質膠囊、淨化乳清蛋白、維他命C和E等,除了可促進肌膚修補因紫外線直接照射所造成的傷害,亦可減淡幼紋和皺紋。
 
保濕度:★★★☆☆(3星半)
吸收度:★★★★☆
清爽度:★★★☆☆
氣味:★★★☆☆
 
總評:吸收得快,搽上時有保濕感覺,而且塗後有光澤。由於感覺好似有油分,開頭以為眼線會很易溶掉,但結果到下午4點後才有少許溶的跡象。
Biotherm活肌醒膚眼霜$320 / 15ml
特點:其裸色質地含有閃光微粒,並含有多胜肽複合物Haloxyl™,可淡化黑眼圈。而成分綠球藻被喻為擁有最高比例葉綠素及蛋白質的植物,具有多重排毒的功效。
 
保濕度:★★★☆☆
吸收度:★★★☆☆
清爽度:★★★☆☆(3星半)
氣味:★★★☆☆
 
總評:不是快速吸收的質地,但多推幾下都吸收了。塗後感覺舒服,好像有層保護膜似的。

Tips:

*夜晚可選用含有維他命E、膠原蛋白等成分的眼霜,因為呢啲成分可以增加肌膚嘅自我修復能力!

*如果你好似我對眼咁易出油,可選用不含油分兼保濕度高的眼霜。又或者塗上眼部打底產品後才化眼妝。

*我身邊有朋友唔用眼霜,原因係唔覺得乾,亦都有人用年齡做指標,認為過咗某個年齡先需要用眼霜。不過要知道,眼部肌膚好薄,只有面部皮膚厚度嘅三分一,到你出咗眼紋,又或者覺得好乾先用就太遲,所以記得唔好偷懶喇!=)

 

LOAD MORE