「冷靜期」=分手?

by Cynthia

熱戀期過後,情侶間的種種問題開始浮現,如果對方提出大家「冷靜吓」,咁其實係咪即係分手預告?其實又未必!有時候情緒累積起嚟可以好嚴重,譬如兩個人近來見面都會鬧交,如果仲keep住見面,只會令大家嘅不和升溫。一個「冷靜期」其實係可以令大家重整一下情緒,令關係有挽救嘅機會。

而呢段期間,有以下兩點要注意:

  • 冷靜期切忌不停搵佢,因為咁反而令佢覺得你好煩!不過冷靜期點都要設一個限期,例如一個月內佢無再搵你,你可以適當地俾啲關心佢,但如果佢都係無動於衷,就唯有等戀情「自然流失」,因為如果佢係珍惜呢段感情,冷靜過後一定會搵返你。
     
  • 如果佢係因為有「小三」而同你講要冷靜,咁佢好大機會真係想分手!而呢個「冷靜期」就只係佢同新歡嘅「試用期」,仲可以逃避「劈腿」嘅責任。如果係咁,你都無必要留戀呢個唔顧你感受嘅人。
LOAD MORE