編輯推介:收毛孔護膚寶物

by Cynthia

Cynthia (CosmoGIRL! Web Editor)

之前同大家分享咗點樣遮毛孔同幫毛孔大掃除,今次嚟到最重要嘅一part ─ 就係點先可以收細返毛孔,等佢哋唔再顯眼

我要推介嘅法寶就係呢支CLINIQUE嘅Pore Refining Solutions Correcting Serum,用之前我無期望精華素會有明顯嘅收毛孔功效,但係結果好有驚喜!

質地好清爽好快吸收,早晚搽喺粗大毛孔「重災區」:眉心同鼻翼兩邊位置。精華含有海扇藻萃取物,可以促進細胞生長、收細毛孔,仲有糖海藻清華可以幫助控制油脂分泌。而只係用咗一個星期左右,竟然已經收細咗好多!真係估唔到咁快就見效!我宜家都經常介紹俾朋友用架。

之前亦都試用咗SKINFOOD嘅「青蘋果梳打緊緻毛孔系列」,包裝好可愛,亦有好香嘅青蘋果味。

我試咗爽膚水同精華2個星期,精華質地好水,亦唔笠,不過爽膚水有酒精成分,敏感肌的女生未必啱用。用完之後,收歛毛孔的效果唔算好明顯,keep住用一排先有效果,反而控油唔錯,T-zone位少咗出油,好適合我呢啲混合性肌膚用。

 

LOAD MORE