極速建立親和感妙法!

By COSMO

當你認識新朋友或者同工作上嘅客人見面時,梗係想一拍即合。想快速建立親和感,可以從對方嘅說話速度同身體動作出發!

配合說話速度
平時我哋講嘢,想對方聽得清楚啲,就會講得慢啲;想表現得smart啲,就會加快速度。但其實唔應該只顧住自己嘅目的同習慣,最重要係同對方嘅速度一致。所以,你應該特別留意對方講嘢嘅速度,然後用差唔多嘅節奏講嘢。

模仿對方嘅動作
你可以多加留意對方嘅一啲小動作,喺對話時適當地模仿,例如對方偶爾會摸一摸鼻,你都可以咁做;對方蹺腳的話,你都一齊蹺,通過動作嘅配合,你哋嘅腦電波會更相近。不過,要記住係適當地模仿!唔係佢做咩時,你就即刻跟住佢做,咁樣只會令人覺得你玩緊佢。

LOAD MORE