性事Q&A

By COSMO

性事, 性疑問

Q. 最近當男友愛撫我時,勃起並走洗手間,出來後又再撫摸我,但我估佢無洗手,咁做啲精液會唔會咗喺佢手指而進入我身體?

A. 性交唔係唯一令女生懷孕嘅途徑。如果男生喺你生殖器範圍內射精,又或者男生將沾了精液嘅手指插入你嘅陰道,精液仍能進入體內。若你男友喺走入洗手間時正勃起,並唔一定代表佢有射精,所以佢嘅手唔一定沾有精液。但係,喺射精前可能有少量嘅分泌,所以佢嘅手指都有可能沾有體液。無論如何,你男友都應該喺去完洗手間之後洗手,確保你唔會受感染。睇嚟你不太可能會懷孕,但你以後需要加倍小心。如果月經嚟遲咗,你都係盡快進行驗孕,以防萬一啦。

性事, 性疑問

Q. 有一晚,男友手指插入我陰道,之後陰道變得敏感,而且隨後1小時內,我每隔15分鐘就要小便,點解

A. 關於呢個問題你的確要小心處理。若男友用手指插入,你必須確定唔會將細菌帶入你嘅陰道。如果佢無洗手或指甲太尖,都可能會弄傷陰道壁。若佢嘅手指有疣,你嘅生殖器都可能會生疣。你嘅不適可能係陰道受感染,又或(佢太粗暴)有所損傷,以致小便頻密。陰道嘅皮膚好幼嫩,需要溫柔對待。若你嘅男友動作粗暴,而你又唔出聲,佢下次都會繼續,所以你應將你嘅感覺坦白話佢知。依你形容,你嘅不適喺1小時後減退,意味係你嘅陰道擦損咗。但如果痛楚持續,就要盡快睇醫生,細菌感染必須要藥物先可治癒。

性事, 性疑問

Q. 女生需要「擴張」陰道性交,聽起嚟好恐怖,係咪真有其事?

A. 你唔使太擔心,有啲女生天生陰道比正常細小,所以需要「擴張」,但呢種個案非常罕見(喺美國5,000名女生中只有一個係咁) ,醫生會將一條細小嘅膠管,即係擴張器插入陰道。大部分女生喺首次性交時都會覺得痛,因為佢哋嘅陰道壁受到由陰莖而來嘅壓力而擴張,但呢種痛係自然嘅。如果你對性交感到害怕,咁可能係因為你喺情緒上仲未ready好,同陰道無關,又或未搵到適當伴侶,都係遲啲先做吧。

性事, 性疑問

Q. 我想買震盪器,但又怕俾屋企人發現,救命呀!

A. 唔好俾家人嘅反應左右你嘅決定。由於你己經大個女,想要一個震盪器,被家人問到時,你可以講一個成熟嘅解釋:「我唔想依賴男生去解決性需要,而我認為咁做比較安全。」但如果你開唔到口,就唯有等再大個啲,住宿舍或獨居時先買。

性事, 性疑問

Q. 如果男方有戴避孕套,我係咪仍有可能感染性病?

A. 對!乳膠製的避孕套可以有效預防性病,例如HIV,但避孕套並非百分百安全,因為男方戴上佢嘅方法未必完全正確,即使正確,佢哋都有可能會破裂。同時,就算男方戴住避孕套,佢嘅生殖器官仍會接觸到你嘅生殖器官,足以將皰疹同陰部蝨子傳播俾你。唯一肯定能避免性病嘅方法就係唔進行性行為,否則使用避孕套仍然係避免性病嘅最佳保護。

性事, 性疑問

Q. 過一篇有關陰核失去感覺文章,到底係咩一回事?

A. 長期騎馬或踏單車可能會引致陰核失去感覺,咁係因為部位慣性地受到衝擊所致。當陰核嘅神經線過度受刺激,佢哋為咗自我保護,會變得遲鈍同漸漸麻木。着有墊嘅短褲可避免呢種情況發生。同時,過度使用高頻率嘅電動震盪器都會令陰核失去感覺,值得注意!
 

如果你有任何關於Sex嘅問題,歡迎email到editorial@cosmogirl.com.hk (subject: Miss Sex)。

LOAD MORE