與男性朋友的10個相處戒條

By COSMO

同男生做friend,有時比同女生做friend更舒服更開心,因為佢哋無女生咁小心眼,容易相處好多。不過,男生同女生嘅想法始終好唔同,同佢哋相處亦需要一定技巧。謹記以下10個相處大忌,包你會更加清楚男生嘅想法!

1.要佢幫你拎cute到暈嘅粉紅色蝴蝶手袋(或者任何好girly的紙袋etc.),雖然係人都知道個袋唔係佢嘅,不過男人之家拎女人手袋,一定俾人笑到面黃。

2. 話人知佢睇《愛情雨》喊到收唔到聲,咁瘀嘅事有邊個想俾人知?

3.同人講佢見到曱甴驚到即刻跑到無雷公咁遠,好彩你喺度,幫佢消滅咗隻曱甴。

4.大庭廣眾大嗌佢cute到痺嘅花名,例如「肥b」、「健健」、「羊咩」等等,真係聽到都想即刻扮唔識你。

5.硬係要佢犧牲同friend打波嘅時間,陪你去睇戲。

6.喺班friend面前讚佢cute、好人同有禮貌,你覺得咁等於讚佢夠gentleman,但其實男生聽到只會覺得佢乸型。

7.對佢好似細佬咁,咩事都幫佢做,又會好似教小朋友咁同佢訓話,其實佢係你個friend唔係你細佬囉!

8.佢極力否認自己識織冷衫,但你就當眾揭穿佢講大話,仲大讚佢織得好靚。

9.喺佢新女朋友面前笑佢啲童年瘀事。你哋由細玩到大,搞到佢女朋友鬼咁妒忌,佢日後都唔會有好日子過。

10.喺佢班friend面前,玩賽車game、篤波、跑步都贏佢。我明,你體育細胞好強,玩咩都叻,但有時都要俾位啲男生威吓!

LOAD MORE