關於高潮的二三事

By COSMO

咩係G點?

G點係位於陰道內約3吋,沿住陰道壁同向住下腹,一處柔軟,似合桃大小嘅皮膚組織,佢會帶來激烈嘅高潮。每個女生都有G點,但由於喺性交時好難將佢定位,好多女生都無法從佢而獲得高潮。

高潮到底係點?

雖然各人會有不同,但大都係感到一連串有節奏嘅肌肉收縮,可以係2至25次嘅收縮。你嘅心跳同血壓會增加,胸口同面部可能會發燙,女生們通常會有種釋放嘅感覺。

我喺臨近高潮時就想小便,甚至喺高潮時排出少許尿液,點解會咁?

膀胱就喺陰道上面,所以可能喺做愛時受到刺激。高潮時排尿,仲有腿部痙攣、不自主嘅盆骨伸展同放屁都係常見現象。你可以嘗試喺性交前先小便,並練習Kegel動作 (註*),強化盆骨位置的肌肉。你釋放嘅體液亦有可能係女生射精(佢同尿液有別,但同樣是由尿道排出),係一種女生高潮時嘅生理現象。你可以分得出兩者,因為後者係透明同無臭味嘅。

我從未試過有高潮,點解?

大多數女生喺20歲前都未感受過高潮,直至佢哋再大啲,有更多性經驗同更接納自己嘅身體先感受到。當快感提升,令陰道肌肉收緊,帶來洶湧嘅壓力,高潮就會產生。研究顯示,有24%女生喺單獨或同伴侶一齊時未能達到高潮,所以你並非唯一一個。記住,你仲後生,有大把時間體驗高潮!

註*

Kegel動作:

1.仰躺在床上,雙腳的膝蓋彎曲。
2.收縮骨盆底肌肉,此動作就像平常解小便時,中途忽然憋住的動作。
3.除了提肛肌肉群外,腹部、雙腿、臀部均不需用力。 
4.持續收縮約10秒,再放鬆10秒,如此重複10次。

LOAD MORE